កក្រើក! ស្អែកនេះជើងខ្លាំងកម្ពុជា វិសាខា ប៉ះក្លឹបខ្លាំង Long An របស់វៀតណាម

2024-05-23 08:00:00
បាល់ទះ

2024-05-23 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាគមបាល់ទះវិសាខានឹងចូលខ្លួនបើកទ្វារសាលបាល់ទះនៃពហុកីឡដ្ឋានជាតិ ដើម្បីទទួលស្វាគមន៍ក្រុមជើងខ្លាំងវៀតណាម Lavie Long An នៅម៉ោង ៥ ល្ងាច ថ្ងៃទី២៤ ខែឧសភា ឆ្នាំ២០២៤ ស្អែកនេះក្នុងការប្រកួតមិត្តភាពអន្តរជាតិ មុនចេញទៅប្រកួតដណ្ដើមពានរង្វាន់ Win+ Streak Volleyball Invitational ហៅកាត់ថា WSVI Tournament ក្នុងទីក្រុង Taichung ដែលធ្វើឡើងដោយក្លឹបបាល់ទះ Win Streak។

នេះជាការប្រកួតមិត្តភាពអន្តរជាតិលើកទីមួយសម្រាប់ក្លឹបបាល់ទះវិសាខា និងក្លឹប Lavie Long An ក្នុងឆ្នាំ២០២៤។ ការប្រកួតនេះត្រូវបានមហាជនមើលឃើញថា ច្បាស់ជាកក្រើកព្រោះវិសាខាជាក្លឹបខ្លាំងនៅកម្ពុជា ហើយមិនត្រឹមតែប៉ុណ្ណោះក្លឹបមានធនធានមួយនេះ បាននាំចូលកីឡាករបាំរាំង៣រូបថ្មីៗនេះ។ អ្នកគាំទ្របាល់ទះនៅកម្ពុជា បានបង្ហាញអារម្មណ៍ចង់ទស្សនាការបញ្ចេញសមត្ថភាពរបស់ពួកគេខ្លាំងណាស់។

ក្លឹបបាល់ទះវិសាខា

ចំណែក Lavie Long An ថ្វីបើពួកគេមិនសូវទទួលបានលទ្ធផលល្អក្នុងការប្រកួតលីគនៅវៀតណាម ប៉ុន្តែពួកគេជាក្រុមមួយមានសមត្ថភាពល្អមិនអាចមើលស្រាលបាន ជាពិសេសក្នុងជំនួបមិត្តភាពអន្តរជាតិនាថ្ងៃស្អែកនេះតែម្ដង។

ក្លឹបបាល់ទះ Lavie Long An

ក្រៅពីនេះក៏មានការប្រកួតដ៏ជក់ចិត្តមួយគូទៀតដែរគឺការជួបគ្នារវាងក្រុមបាល់ទះជម្រើសជាតិកម្ពុជាអាយុក្រោម២០ឆ្នាំ ជាមួយក្លឹបបាល់ទះស្នងការដ្ឋាននគរបាលរាជធានីភ្នំពេញ នៅម៉ោង ៣ រសៀល ថ្ងៃទី២៤ ខែឧសភា ឆ្នាំ២០២៤។ ប្រកួតទៀតសោត មិនមានលក់សំបុត្រឡើយ ដូច្នេះប្រិយមិត្តអាចចូលរួមទស្សនាដោយសេរី និងឱ្យបានច្រើនកុះករ។

គួរបញ្ជាក់ថា ថ្ងៃទី២៤ ខែឧសភា ឆ្នាំ២០២៤ ខាងមុខនេះក្លឹបបាល់ទះវិសាខានឹងប្រកួតមិត្តភាពអន្តរជាតិជាមួយក្លឹបវៀតណាម Lavie Long An មុនចេញទៅប្រកួតដណ្ដើមពានរង្វាន់ Win+ Streak Volleyball Invitational ហៅកាត់ថា WSVI Tournament ក្នុងទីក្រុង Taichung រៀបចំឡើយដោយក្លឹបបាល់ទះតៃវ៉ាន Win Streak។ ចំណែក U20 កម្ពុជា ធ្វើមិត្តភាពជាមួយក្លឹបបាល់ទះស្នងការដ្ឋាននគរបាលរាជធានីភ្នំពេញ មុនចេញទៅប្រកួតជម្រុះពានរង្វាន់ Men's Asian U20 Volleyball Championship ជាមួយក្រុមវៀតណាមនៅទឹកដីកណ្ដាលប្រទេសថៃ៕

អត្ថបទ៖ Um Sopheak