- 2024-03-21 12:22:23
- បាល់ទាត់
មកស្គាល់កីឡាករ ក្នុងក្របខ័ណ្ឌលីគកំពូលអឺរ៉ុបទាំង៥ មានប្រាក់ខែខ្ពស់ជាងគេ
- 2024-03-21 12:22:23
- ចំនួនមតិ 0 | ចំនួនចែករំលែក 0
មកស្គាល់កីឡាករ ក្នុងក្របខ័ណ្ឌលីគកំពូលអឺរ៉ុបទាំង៥ មានប្រាក់ខែខ្ពស់ជាងគេ
ចន្លោះមិនឃើញ
ជាធម្មតាកីឡាករបាល់ទាត់នៅលីគកំពូលអឺរ៉ុបទាំង៥ អាចរកបានប្រាក់ពលកម្មបានខ្ពស់ជាងលីគដទៃទៀត ក៏ដូចជាកីឡាករនៅក្នុងកីឡាផ្សេងៗជាច្រើនផងដែរព្រោះកីឡាបាល់ទាត់នៅអឺរ៉ុបទទួលបានការគាំទ្រ និងជាពិសេសគឺកីឡាករផ្ទាល់សុទ្ធតែមានសមត្ថភាពខ្ពស់ និងការប្រកួតប្រជែងច្រើន។
បើយោងតាមស្ថិតិរបស់ Leiquipe កីឡាករដែលឈានមុខគេនៅក្នុងបញ្ជីកីឡាករ ក្នុងក្របខ័ណ្ឌលីគកំពូលអឺរ៉ុបទាំង៥ មានប្រាក់ខែខ្ពស់ជាងគេនេះ ដែលថ្លៃនេះគឺមិនទាន់កាត់ថ្លៃពន្ធនិងថ្លៃផ្សេងៗគឺ ខ្សែប្រយុទ្ធ Kylian Mbappe ដែលមានប្រាក់ខែប្រមាណ ៦លានអ៊ឺរ៉ូ។ កីឡាករនេះជាកីឡាករឆ្នើមបំផុតរបស់ក្លឹប Paris Saint Germain ដោយក្នុងរដូវកាលនេះស៊ុតចូលបាន ៣៩គ្រាប់ហើយក្នុង ៣៩ប្រកួត។
សម្រាប់បេក្ខជនបន្ទាប់គឺ ខ្សែប្រយុទ្ធ Harry Kane ដែលជាកីឡាកររបស់ក្លឹប Bayern Munich មានប្រាក់ខែប្រមាណ ២.១លានអ៊ឺរ៉ូ។ កីឡាកររូបនេះបានដើរតួយ៉ាងសំខាន់សម្រាប់ក្លឹបរបស់គេក្នុងការរកគ្រាប់បាល់។ ក្នុងរដូវកាលនេះ Kane បានចូលលេងឲ្យ Bayern បាន ៣៦ប្រកួត និងស៊ុតចូល ៣៧គ្រាប់។ កីឡាករនេះស្ថិតក្នុងខ្សែប្រយុទ្ធឆ្នើមរហូតមក។
Kevin de Bruyne ក៏ស្ថិតក្នុងចំណោមកីឡាករមានប្រាក់ខែច្រើនគេផងដែរ ដោយប្រាក់ខែរបស់គេនៅ Man City គឺ ២.០២លានអ៊ឺរ៉ូ។ KDB ជាកីឡាករស្នូលរបស់ក្លឹបរហូតមកដោយក្លឹបជឿជាក់ខ្លាំងក្នុងសមត្ថភាពរបស់គេ។
ខាងក្រោមនេះជាបញ្ជីឈ្មោះកីឡាករទាំង១០រូប នៅក្នុងក្របខ័ណ្ឌលីគកំពូលអឺរ៉ុបទាំង៥ ដែលមានប្រាក់ខែខ្ពស់ជាងគេបំផុត (មិនទាន់កាត់ថ្លៃពន្ធ និងថ្លៃផ្សេងៗ) បើតាមស្ថិតិចុះផ្សាយដោយ Liequipe៖
១. Kylian Mbappe៖ ខ្សែប្រយុទ្ធរបស់ក្លឹប PSG ទទួលប្រាក់ខែ ៦លានអ៊ឺរ៉ូ។
២. Harry Kane៖ ខ្សែប្រយុទ្ធរបស់ក្លឹប Bayern Munich ទទួលប្រាក់ខែ ២.១លានអ៊ឺរ៉ូ។
៣. Kevin De Bruyne៖ ខ្សែបម្រើរបស់ក្លឹប Man Cityទទួលប្រាក់ខែ ២.០២លានអ៊ឺរ៉ូ។
៤. Erling Haaland៖ ខ្សែប្រយុទ្ធរបស់ក្លឹប Man City ទទួលប្រាក់ខែ ១.៩លានអ៊ឺរ៉ូ។
៥. David Alaba៖ ខ្សែការពាររបស់ក្លឹប Real Madrid ទទួលប្រាក់ខែ ១.៨៨លានអ៊ឺរ៉ូ។
៦. Robert Lewandowski៖ ខ្សែប្រយុទ្ធរបស់ក្លឹប Barca ទទួលប្រាក់ខែ ១.៨៧លានអ៊ឺរ៉ូ។
៧. Casemiro៖ ខ្សែប្រយុទ្ធរបស់ក្លឹប Man Utd ទទួលប្រាក់ខែ ១.៧៧លានអ៊ឺរ៉ូ។
៨. Mohamed Salah៖ ខ្សែប្រយុទ្ធរបស់ក្លឹប Liverpool ទទួលប្រាក់ខែ ១.៧៧លានអ៊ឺរ៉ូ។
៩. Raphael Varane៖ ខ្សែប្រយុទ្ធរបស់ក្លឹប Man Utd ទទួលប្រាក់ខែ ១.៧២លានអ៊ឺរ៉ូ៕