ក្ដីព្រៃវែងវ៉ៃផុងដី ទម្លាយរឿងស្នងការព្រៃវែងមិនដែលឈ្នះក្រុមស្នងការខេត្តកណ្ដាល

2024-03-22 06:25:00
បាល់ទះ

2024-03-22 06:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងការប្រកួតដណ្ដើមពានរង្វាន់ភូមិភាគ៤ស្មើទូទាំងប្រទេសឆ្នាំ២០២៤ នៅមណ្ឌលខេត្តព្រៃវែងកាលពីពេលថ្មីៗនេះ ក្លឹបបាល់ទះស្នងការដ្ឋាននគរបាលខេត្តព្រៃវែង បានចាញ់ក្រោមថ្វីដៃក្រុមបាល់ទះស្នងការដ្ឋាននគរបាលខេត្តកណ្ដាលជាថ្មីម្ដងទៀត ខណ:ការប្រកួតពានសម្ដេចក្រឡាហោម ស ខេង ឆ្នាំ២០២៣ ពួកគេក៏បានចាញ់ដូចគ្នា។

ពាក់ព័ន្ធនឹងចំណុចនេះកីឡាករវ័យក្មេង សុភ័ណ្ឌ សុភក្ដី ឬប្រិយមិត្តស្គាល់ថាក្ដីព្រៃវែងវ៉ៃផុងដីដែលជាសមាជិកក្រុមស្នងការខេត្តព្រៃវែង បានទម្លាយថាកត្តាធ្វើឱ្យក្រុមចាញ់ព្រោះសមាជិកក្រុមមិនសូវបានហ្វឹកហាត់ជាមួយគ្នា ព្រោះរវល់ការងាររៀងៗខ្លួន។

ក្ដីព្រៃវែងបាននិយាយថា ៖"អាចមកពីថាគេហ្វឹកហាត់ដល់ជាងយើង ពួកខ្ញុំម្នាក់ៗរវល់ការងាររៀងៗខ្លួន ភាគច្រើនជាគ្រូបង្រៀនដល់អ៊ីចឹងអត់សូវមានពេលជុំគ្នាទេ ពេលមានការប្រកួតចឹងប្រមូលផ្ដុំបានបីបួនថ្ងៃចឹងទៅ"។

កីឡាករដដែលនេះបានបង្ហាញអារម្មណ៍សោកស្ដាយជាខ្លាំង ដែលពួកគេមិនអាចសងសឹកក្រុមស្នងការខេត្តកណ្ដាលបាន ដ្បិតសមត្ថភាពប្រហាក់ប្រហែលគ្នា។ ទោះបីជាយ៉ាងណា ក្ដីព្រៃវែងបានទទួលស្គាល់ថាក្រុមរបស់ពួកគេមានភាពខ្វះខាតច្រើនទាំងស្មាត់ឆ្វេងស្ដាំ និងអ្នកប៉ះសេក្នុងជំនួបលើកនេះ។

ពានភូមិភាគនៅមណ្ឌលខេត្តព្រៃវែងបានបញ្ចប់ទៅហើយកាលពីថ្ងៃទី១៦ និងទី១៧ ខែមីនា ឆ្នាំ២០២៤ ដោយក្លឹបបាល់ទះស្នងការដ្ឋាននគរបាលរាជធានីភ្នំពេញ B ទទួលបានជើងឯក ជើងឯករងបានលើស្នងការដ្ឋាននគរបាលខេត្តត្បូងឃ្មុំ លេខ៣បានលើស្នងការខេត្តស្វាយរៀង និងលេខ៤បានលើស្នងការខេត្តព្រៃវែង B៕

អត្ថបទ៖ Um Sopheak