/63f4b9c3a5f5d_1676982720_medium.jpg)
- 2023-02-21 12:34:26
- ព័ត៌មាន
Klopp មើលប្រកួត Liverpool ប៉ះនឹង Real កាលពីវគ្គផ្ដាច់ព្រ័ត្រ UCL 2022 ត្រៀមប៉ះគ្នាម្ដងទៀតនៅយប់នេះ
- 2023-02-21 12:34:26
- ចំនួនមតិ 0 | ចំនួនចែករំលែក 0
Klopp មើលប្រកួត Liverpool ប៉ះនឹង Real កាលពីវគ្គផ្ដាច់ព្រ័ត្រ UCL 2022 ត្រៀមប៉ះគ្នាម្ដងទៀតនៅយប់នេះ
ចន្លោះមិនឃើញ
អ្នកចាត់ការក្លឹប Liverpool លោក Jurgen Klopp បានប្រាប់អ្នកកាសែតថា លោកបានមើលប្រកួតវគ្គផ្ដាច់ព្រ័ត្រនៃព្រឹត្តិការណ៍ UEFA Champions League ឆ្នាំ២០២២ឡើងវិញមុនពេលប៉ះជាមួយ Real Madrid ម្ដងទៀត នៅយប់ថ្ងៃអង្គារនេះ។
កាលពីឆ្នាំ២០២២ Real បានយកឈ្នះ Liverpool ក្នុងលទ្ធផល ១-០ ដែលបណ្ដាលឱ្យខ្លួនឈ្នះពានកំពូលអឺរ៉ុបមួយនេះជាលើកទី១៤។ នៅឆ្នាំនេះដែរ ក្លឹបទាំងពីរនេះបានជួបគ្នាម្ដងទៀតនៅវគ្គ ១៦ក្រុមចុងក្រោយ។
ទាក់ទិននឹងរឿងនេះដែរ លោក Klopp បានលើកឡើងថា៖ «ខ្ញុំមើលប្រកួតនេះឡើងវិញ កាលពីចុងសប្ដាហ៍មុននេះ»។
«នេះដូចជាការធ្វើទារុណកម្មមួយអញ្ចឹង»។ នេះជាការបន្តរបស់លោក។ លោកយល់ឃើញថា Liverpool ធ្វើបានល្អហើយនៅកាលនោះ តែមិនអាចរកគ្រាប់បាល់បាន។
Liverpool នឹងបើកទ្វាស្វាគមន៍ Real នៅយប់នេះ ម៉ោង ៣ភ្លឺរំលងអធ្រាត្រ ម៉ោងនៅកម្ពុជា៕
