/Slamball-1/63f2fd205b00c_1676868840_medium.jpg)
- 2023-02-20 05:11:18
- បាល់ទះ
គ្រូបាល់ទះ U-19 បារាំង សរសើរកីឡាករកម្ពុជារូបនេះថាមិនធម្មតាក្រោយបញ្ចប់ការប្រកួត
- 2023-02-20 05:11:18
- ចំនួនមតិ 0 | ចំនួនចែករំលែក 0
គ្រូបាល់ទះ U-19 បារាំង សរសើរកីឡាករកម្ពុជារូបនេះថាមិនធម្មតាក្រោយបញ្ចប់ការប្រកួត
ចន្លោះមិនឃើញ
គ្រូធំរបស់ក្រុម U-19 បារាំង បានសរសើរកីឡាករលេខ ១៧របស់កម្ពុជាគឺ សួន ចាន់ណារ៉ូ ថាសមត្ថភាពមិនធម្មតា និងការប្រើកដៃប៉ះបាល់ជូនមិត្តរួមក្រុម។
លោក Slimane Belmadi គ្រូធំរបស់ក្រុមបាល់ទះ U-19 បានឲ្យដឹងថា ក្រុមបាល់ទះកម្ពុជាគឺលេងបានល្អ និងមិនសូវមានកំហុងអ្វីច្រើននោះទេ។ ប៉ុន្តែនៅសិតចុងក្រោយឃើញមានបាល់ខូចខ្លះៗដែរ។
គ្រូរូបនេះក៏សរសើរកីឡាករ លេខ១៧ សួន ចាន់ណារ៉ូ ផងដែរថាសមត្ថភាពមិនធម្មតា លេងបានល្អពិសេសកដៃពេលលើកបាល់(ប៉ះសឺ)ឲ្យមិត្តរួមក្រុមនេះតែម្ដង។ យ៉ាងណារបៀបលេងបាល់របស់កម្ពុជាគឺប្លែកម្យ៉ាងមិនដែលសូវបានឃើញនោះទេ ពោលពិសេស ៣នាក់ឈរនៅខាងក្រោយនេះ។
រំលឹកដែរថា ម្សិលមិញនេះក្រុមបាល់ទះជម្រើសជាតិកម្ពុជាប្រកួតមិត្តភាពអន្តរជាតិជាមួយក្រុមបាល់ទះ U-19 បារាំងនៅក្នុងវិមានពហុកីឡដ្ឋានជាតិ។ កម្ពុជាចាញ់ ៣-០ (សិត) ទី១ បារាំង ២៥-២៣ កម្ពុជា ទី២ បារាំង ២៥-២១ កម្ពុជា ទី៣ បារាំង ២៥-២៣ កម្ពុជា។ ប្រកួតលើកទី២ នឹងធ្វើឡើងនៅថ្ងៃទី២២ ខែកុម្ភៈ ឆ្នាំ២០២៣ នៅពហុកីឡដ្ឋានជាតិដដែល៕
