អ្នកឈ្នះពាន Slamball នឹងទទួលបានប្រាក់រង្វាន់ ៥ ០០០ដុល្លារ អមជាមួយ...

2023-01-27 07:30:08
បាល់ទះ

2023-01-27 07:30:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ Slamball បានឈានដល់វគ្គផ្ដាច់ព្រ័ត្រនៅថ្ងៃស្អែកទី២៨ខែមករាឆ្នាំ២០៣ខាងមុខនេះហើយ ដោយធ្វើឡើងនៅកីឡដ្ឋានវិសាខា ក្នុងសាលបាល់ទះផ្ទាល់តែម្ដង។

នៅឆ្នាំ២០២២នេះ ក្រុមហ៊ុនស្រាបៀរ Anchor បានបង្កើតព្រឹត្តិការណ៍ប្រកួតបាល់ទះដណ្ដើមមេដាយមាស៤ស្មើ Slamball ដែលមានប្រាក់រង្វាន់រាប់ពាន់ដុល្លារ សម្រាប់ក្រុមជើងឯក ជើងឯករង ក្រុមលេខ៣ និងមានការផ្ដល់ជូនថ្លៃអាហារហូបចុក ស្នាក់នៅ ធ្វើដំណើរ ស្បែកជើង សម្លៀកបំពាក់យ៉ាងច្រើនសន្ធឹកសន្ធាប់ ដើម្បីរួមចំណែកលើកស្ទួយវិស័យកីឡាបាល់ទះនៅកម្ពុជា។ ក្រោយពីធ្វើការប្រកួតជាង៣ខែមកនេះ ឃើញថាគេបានរកឃើញក្រុមឡើងដល់វគ្គផ្ដាច់ព្រ័ត្រហើយ។

ដោយនៅថ្ងៃស្អែកនេះ នឹងមានការប្រកួតពេលព្រឹកយកលេខ៣ រវាងក្រុមត្រីឆ្លាំងភ្នំពេញ ប៉ះជាមួយដំរីសៀមរាប។ ក្រុមណាឈ្នះការប្រកួតនឹងបន្ដឡើងទៅវគ្គ Grand Final នៅពេលល្ងាចទៀត ដែលប៉ះ នឹងក្រុមពង្រួលកំពង់ស្ពឺ។ ការប្រកួតនៅវគ្គនេះដែរ នឹងលេង៥សិត ក្រុមណាឈ្នះបាន៣សិតមុន នឹងក្លាយជាជើងឯកតែម្ដង។

សម្រាប់ក្រុមជើងឯកនឹងទទួលបានមេដាយមាស និងប្រាក់រង្វាន់ ៥ ពាន់ដុល្លារ ស្រាបៀរ Anchor White ១៥កេស និង Anchor Smooth ១៥ កេស, លេខ២ទទួលបានប្រាក់រង្វាន់ ៣ ពាន់ដុល្លារ Anchor White ១០ កេស និង Anchor Smooth ១០កេស និងលេខ៣ទទួលបានប្រាក់រង្វាន់ ១ ៥០០ដុល្លារ Anchor White ៥ កេស និង Anchor Smooth ៥ កេស៕

អត្ថបទ៖ ប្រុស យុទ្ធ