គ្រូបាល់ទះចាស់វស្សាមួយរូបជឿជាក់លើក្រុម ត្រីឆ្លាំងភ្នំពេញ ឈ្នះពាន Slamballរហូត ៨០%

2023-01-27 05:18:22
បាល់ទះ

2023-01-27 05:18:22
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបាល់ទះចាស់វស្សា សេត ស៊ីនណារ៉ា មើលឃើញពីសមត្ថភាពរបស់ ក្រុមត្រីឆ្លាំងភ្នំពេញ គឺល្អខ្លាំង និងលេងត្រូវគ្នាល្អណាស់ ដូច្នេះក្រុមមួយនេះអាចនឹងឈ្នះពានរង្វាន់ Slamball នៅថ្ងៃសៅរ៍ ទី២៨ មករា ឆ្នាំ២០២៣ រហូត ៨០% ឯណោះ។

ក្រុមត្រីឆ្លាំងភ្នំពេញ

លោក សេត ស៊ីនណារ៉ា បានឲ្យដឹងថាកន្លងទៅនេះថា ក្រុមបាល់ទះត្រីឆ្លាំងភ្នំពេញ នេះគឺសមត្ថភាពល្អមែនទែន លេងយល់ចិត្ត ខណៈការហ្វឹកហាត់ក៏ជុំគ្នា និងសុទ្ធតែកីឡាករវ័យក្មេងទៀត។

បើនិយាយពីបច្ចេកទេសវិញគ្រូបាល់ទះជើងចាស់ខាងលើបញ្ជាក់ថា ទី១ កីឡាកររបស់ត្រីឆ្លាំងភ្នំំពេញធ្វើរនាំង (លោតបាំង) បានល្អ ទី២ ការម៉ាត់ផ្ដាច់សុទ្ធតែពីលើបាំង ទី៣ ជាកីឡាករវ័យក្មេងខ្ពស់ៗល្អ និងទី៤ ពួកគេកំពុងឡើងទឹកដៃ ដូចជាថ្មីៗនេះឈ្នះក្រុមខ្លាំងស្រុកខ្មែរ ទទួលបានមេដាយមាស កីឡាជាតិលើកទី៣ ទៀតផង។

លោក សេត ស៊ីនណារ៉ា

បញ្ជាក់ដែរថា ពានរង្វាន់បាល់ទះ Slamball ដែលរៀបចំដោយក្រុមហ៊ុន Sabay និងក្រុមហ៊ុន Anchor ឈានដល់វគ្គផ្ដាច់ព្រ័ត្រនៅថ្ងៃស្អែកនេះហើយ។ សម្រាប់ ក្រុមពង្រូលកំពង់ស្ពឺ គឺនៅឈរចាំវគ្គផ្ដាច់ព្រ័ត្ររង់ចាំក្រុមត្រីឆ្លាំងភ្នំពេញ ប្រកួតជាមួយ ដំរីសៀមរាប អ្នកឈ្នះឡើងមកប៉ះខ្លួននៅពេលរសៀលស្អែកតែម្ដង។ ការប្រកួតវគ្គផ្ដាច់ព្រ័ត្រនេះនឹងធ្វើឡើងនៅរសៀលម៉ោង៤ ក្នុងតារាងបាល់ទះវិសាខា។ អ្នកដែលចង់ចូលទស្សនាផ្ទាល់ក៏អាចអញ្ជើញទៅបានផងដែរ៕

អត្ថបទ៖ នួន ស៊ីណា