- 2022-07-25 03:12:31
- បាល់ទះ
ប៊ន ណារិទ្ធ មានឈ្មោះក្នុងបញ្ជីជម្រើសជាតិបាល់ទះ៣ដងក្នុងរយៈពេល៦ឆ្នាំនៃអាជីព
- 2022-07-25 03:12:31
- ចំនួនមតិ 0 | ចំនួនចែករំលែក 0
ប៊ន ណារិទ្ធ មានឈ្មោះក្នុងបញ្ជីជម្រើសជាតិបាល់ទះ៣ដងក្នុងរយៈពេល៦ឆ្នាំនៃអាជីព
ចន្លោះមិនឃើញ
ក្រោយពីចប់ការប្រកួតបាល់ទះដណ្ដើមពានរង្វាន់សម្ដេចក្រឡាហោម ស ខេង ឆ្នាំ២០២២ សហព័ន្ធកីឡាបាល់ទះកម្ពុជា បានកោះហៅកីឡាករល្អៗមួយចំនួនពីក្រុមបាល់ទះស្នងការខេត្តតាកែវ ខេត្តកំពង់ចាម និងខេត្តសៀមរាប។ ដោយឡែកថ្វីបើបើមិនបានបង្ហាញខ្លួនក្នុងព្រឹត្តិការរណ៍ដ៏អស្ចារ្យមួយនេះ ប៉ុន្តែកីឡាកររបស់ក្លឹបក្រសួងមហាផ្ទៃចំនួន៤រូបក៏ត្រូវបានកោះហៅឱ្យចូលរួមដែរ ដោយក្នុងនោះមានស្មាត់វ័យក្មេង មឿន ម៉េងឡាយ, ខុម ហុងទ្រី, មាស វាសនា និងអ្នកប៉ះសេ ប៊ន ណារិទ្ធ។
ក្រោយទទួលបានលិខិតកោះហៅរបស់សហព័ន្ធកាលពីថ្ងៃទី ១២ ខែកក្ដដា ឆ្នាំ២០២២ ណារិទ្ធ ក៏បានបង្ហោះសារបង្ហាញអារម្មណ៍ត្រេកអរភ្លាមៗលើគណនីយហ្វេសប៊ុករបស់ខ្លួន អបជាមួយសំណេរដ៏ូខ្លីមួយថា ៖ «អបអរសាទរសម្រាប់ដំណឹងដ៏ល្អមួយនេះ នេះជាលើកទី3សម្រាប់វត្តមានក្នុងបញ្ជីឈ្មោះជម្រើសជាតិ ទោះមិនទាន់ដែលបានឆ្លងផុតទៅបញ្ជីឈ្មោះចុងក្រោយ ក៏ជាក្តីសង្ឃឹមសម្រាប់ខ្ញុំដែរ»។
នេះជាលើកទី៣ហើយនៅក្នុងអាជីពដែលកីឡាករឆ្នើមក្រសួងមហាផ្ទៃ ប៊ន ណារិទ្ធ មានឈ្មោះក្នុងបញ្ជីជម្រើសជាតិបាល់ទះកម្ពុជា ពោលគឺឆ្នាំ២០១៨ ត្រៀមប្រកួតស៊ីហ្គេម ឆ្នាំ២០១៩ត្រូវជម្រុះចេញ និងឆ្នាំ២០២២ដើម្បីប្រមូលផ្ដុំហ្វឹកហាត់ត្រៀមប្រកួតស៊ីហ្គេមឆ្នាំ២០២៣។
គួរបញ្ជាក់ថា កីឡាករផ្សេងទៀតដែលត្រូវបានកោះហៅឱ្យចូលរួមហ្វឹកហាត់ក្នុងក្រុមជម្រើសជាតិមាន ឌឹន សុីដែន ស្មាត់ស្ដាំមកពីស្នងការខេត្តកំពង់ចាម កីឡាករ ម៉ុន តារា ស្មាត់ស្ដាំមកពីស្នងការខេត្តតាកែវ កីឡាករ សេង គឹមហាប់ លីប័ររ៉ូមកពីស្នងការខេត្តសៀមរាប៕