- 2022-05-24 02:54:26
- បាល់ទះ
ក្រោយបំបាក់ថៃ៣-២ កីឡាករកម្ពុជា៦រូបត្រូវក្លឹបធំៗក្នុងតំបន់អាស៊ានតាមទិញព្រាត
- 2022-05-24 02:54:26
- ចំនួនមតិ 0 | ចំនួនចែករំលែក 0
ក្រោយបំបាក់ថៃ៣-២ កីឡាករកម្ពុជា៦រូបត្រូវក្លឹបធំៗក្នុងតំបន់អាស៊ានតាមទិញព្រាត
ចន្លោះមិនឃើញ
ក្រោយបញ្ចប់ភារកិច្ចជោគជ័យដណ្ដើមបានមេដាយសំរឹទ្ធលើវិញ្ញាសាបាល់ទះក្នុងសាលបំបែកឯកត្តកម្ម៣៩ឆ្នាំរបស់ក្រុមជម្រើសជាតិកម្ពុជា កីឡាករទាំង១៤នាក់ដែលទៅចូលរួមស៊ីហ្គេមនៅវៀតណាមមាន៦នាក់ ត្រូវបានក្លឹបធំៗក្នុងតំបន់អាស៊ានទាក់ទងទិញដើម្បីទៅចូលរួមលេងនៅក្លឹបរបស់ពួកគេ។
បើតាមការបញ្ជាក់របស់លោកបណ្ឌិត អាំង សេរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងនៅអាកាសយានដ្ឋានអន្តរជាតិភ្នំពេញកាលពីម្សិលមិញនេះថា កីឡាករ៦នាក់របស់កម្ពុជាមានដូចជា សឿន ហេង និង វឿន វាសនា ត្រូវបានក្លឹបនៅសៃហ្គន របស់វៀតណាមកំពុងតាមទិញ។ «មែនទែនទៅកីឡាករយើងមាន៦នាក់ដែលគេតាមទិញយកទៅលេង និយាយរួមកីឡាករអេគីបទាំង៦នាក់ដែលយើងដាក់ឲ្យលេងឈុតធំហ្នឹងតែម្ដង។ ក្នុងនោះមាន សឿន ហេង និងវឿន វាសនា ខែកក្កដា ខាងមុខនេះហើយ យើងក៏កំពុងពិចារណាដែរ។ ក្លឹបនោះគឺនៅ សៃហ្គន ប្រទេសវៀតណាម។ ក្លឹបនៅប្រទេសថៃ ម៉ាឡេស៊ី និងចុងក្រោយគេគឺ ឥណ្ឌូណេស៊ី កំពុងចាប់អារម្មណ៍ចែចូវយក គួន ម៉ុម ទៅលេងដែរ»។ នេះជាការលើកឡើងរបស់លោកអគ្គលេខាធិការ។
ក្រោយបញ្ចប់ភារកិច្ចជោគជ័យក្លឹបធំនៅបណ្ដាប្រទេសមួយចំនួនមើលឃើញសមត្ថភាពកីឡាករកម្ពុជាអាចស្ថិតក្នុងការប្រកួតប្រជែងបាន។ ហេតុផលគឺថាពេលនេះកម្ពុជាត្រូវបានប្រទេសផ្សេងៗក្នុងតំបន់ចាត់ទុក ជាបន្លាក្នុងភ្នែករបស់ពួកគេហើយ ក្នុងព្រឹត្តិការណ៍ស៊ីហ្គេម។ នេះជាការបន្ថែមរបស់លោកអគ្គលេខាធិការខាងលើ៕
