/Ministry-Interiors/624e5c48e79c7_1649302560_medium.jpg)
- 2022-04-07 03:44:24
- បាល់ទះ
អ្នកប៉ះសេមហាផ្ទៃ កែវ ស្រេងលីហួរ៖ ខ្ញុំរាងគ្រាន់បើតែមិនល្អណាស់ណាទេ
- 2022-04-07 03:44:24
- ចំនួនមតិ 0 | ចំនួនចែករំលែក 0
អ្នកប៉ះសេមហាផ្ទៃ កែវ ស្រេងលីហួរ៖ ខ្ញុំរាងគ្រាន់បើតែមិនល្អណាស់ណាទេ
ចន្លោះមិនឃើញ
រដូវកាលឆ្នាំ២០១១-២០២២ អ្នកប៉ះសេឈុត B របស់ក្លឹបបាល់ទះក្រសួងមហាផ្ទៃ កែវ ស្រេងលីហួរ បានបង្ហាញសមត្ថភាពច្រើនក្នុងទីលានបាល់ទះដែលធ្វើឱ្យការលេងរបស់គេកើនឡើងជាងមុនមួយកម្រិតទៀត។
ទោះបានបង្ហាញសមត្ថភាពច្រើនក្ដី ប៉ុន្តែកីឡាករមកពីខេត្តកំពតរូបនេះថា គេរីកចម្រើនជាងមុន ប៉ុន្តែមិនល្អណាស់ណាទេ ហើយផ្ទុយទៅវិញត្រូវពង្រឹងចំណេះជំនាញបន្ថែមទៀត។
កីឡាករវ័យ១៧ឆ្នាំកម្ពស់១,៩០ម៉ែត្រ បានបញ្ជាក់ថា ៖«ខ្ញុំស្វែងយល់ខ្លួនឯងថារាងគ្រាន់បើបង តែមិនល្អណាស់ណាទេបង យើងអាចលេងបានជាមួយគេជាមួយឯងបានបង»។
ស្រេងលីហួរ បានទម្លាយឱ្យដឹងទៀតថាគេនៅមានចំណុចខ្វះខាតត្រង់ល្បឿននៃការរត់ទៅប៉ះសេយឺតបន្តិច ចំណែកការចេញបាល់ឱ្យស្មាត់អាចទទួលយកបាន។
អតីតយុវជនរបស់ក្លឹបបាល់ទះវិសាខា បានបង្ហើបបែបនេះ ៖«លោកគ្រូគាត់ថាល្អតែនៅរាងយឺតបន្ទិចបង ការរត់ទៅបះសេរាងយឺតបង តែចំពោះការចេញបាល់បាន៦០ទៅ៧០%បង»។
គួរបញ្ជាក់ថា កែវ ស្រេងលីហួរ បានបង្ហាញសមត្ថភាព១៣ប្រកួតក្នុងពានរង្វាន់ «ក្រុមអធិរាជបាល់ទះ ISI PIPE-ISI PALM» រដូវកាលឆ្នាំ២០២១-២០២២នេះ ឈ្នះ១០ប្រកួត ចាញ់៣ប្រកួត និងឈ្នះ១ប្រកួតក្នុងពានរង្វាន់ Ganzberg Special Volleyball League ២០២២ ក្នុងនាមជាអ្នកប៉ះសេឱ្យក្រុមក្រសួងមហាផ្ទៃ B។ នៅថ្ងៃទី៩ ខែមេសា ឆ្នាំ២០២២ខាងមុខ ក្រុមឈុត B របស់លីហួរនឹងត្រូវប៉ះ៤ស្មើជាមួយក្រុមកងពលតូចលេខ៩៕
