- 2022-03-03 07:34:12
- កីឡាផ្សេងៗ
ឯកឧត្ដម ស សុខា៖ សហព័ន្ធជាតិសូមពិនិត្យ និងតាមដានកីឡាករព្រោះជិតដល់ស៊ីហ្គេមហើយ
- 2022-03-03 07:34:12
- ចំនួនមតិ 0 | ចំនួនចែករំលែក 0
ឯកឧត្ដម ស សុខា៖ សហព័ន្ធជាតិសូមពិនិត្យ និងតាមដានកីឡាករព្រោះជិតដល់ស៊ីហ្គេមហើយ
ចន្លោះមិនឃើញ
ឯកឧត្ដម ស សុខា តំណាងក្រសួងអប់រំ យុវជន និងកីឡា បានរំលឹកដល់ថ្នាក់ដឹកនាំសហព័ន្ធនានាសូមឲ្យតាមដានកីឡាករ កីឡាការិនីលើការដើរហើរពិសេសក្នុងពិធីចូលឆ្នាំថ្មីជាដើមដើម្បីជាការត្រៀមខ្លួនពេលវេលាស៊ីហ្គេម វៀតណាម ជិតមកដល់ហើយ។
រដ្ឋលេខាធិការក្រសួងអប់រំខាងលើនេះបានលើកឡើងពីម្សិលមិញនេះថា កីឡាករ កីឡាការិនីជម្រើសជាតិទាំងអស់ដែលហ្វឹកហាត់បិទខ្ទប់ទាំងអស់សូមគោរពឲ្យបានខ្ជាប់ខ្ជួនល្អដើម្បីការពារពីជំងឺកូវីដ ១៩ ដែលមកដល់ឆាប់ៗខាងមុខ។
ឯកឧត្ដម ស សុខា បន្ថែមទៀតថា តំណាងក៏ដូចជាថ្នាក់ដឹកនាំសហព័ន្ធទាំង ពិនិត្យ និងតាមដានចំពោះការហ្វឹកហាត់ គុណផលកីឡាករ កីឡាការិនី ធ្វើការវាយតម្លៃដើម្បីជាការត្រៀមខ្លួនឲ្យបានល្អព្រោះស៊ីហ្គេម នៅវៀតណាម កាន់តែខិតជិតមកដល់ហើយ។ មួយវិញទៀតឱកាសបុណ្យចូលឆ្នាំថ្មីខាងមុខនេះសូមដាក់វិធានការឲ្យបានល្អជៀសវាងមានការឆ្លងជំងឺកូវីដអ្វីជាដើម។
រំលឹកដែរថា ម្សិលមិញនេះឯកឧត្ដម ស សុខា រដ្ឋលេខាធិការក្រសួងអប់រំ ទទួលបន្ទុកវិស័យកីឡានៅកម្ពុជា និងគណៈកម្មាធិការជាតិអូឡាំពិកកម្ពុជា បានបើកកិច្ចប្រជុំជាមួយតំណាងសហព័ន្ធកីឡាជាតិនៅ NOCC ក្នុងគោលបំណងត្រៀមបញ្ជូនកីឡាករទៅប្រកួតស៊ីហ្គេម នៅវៀតណាម ២០២២ ខាងមុខនេះ៕