- 2021-12-29 02:54:56
- កីឡាផ្សេងៗ
CAMSOC៖ នឹងធ្វើសិក្ខាសាលាស្ដីអំពី «អភិបាលកិច្ចល្អក្នុងការគ្រប់គ្រងស៊ីហ្គេម»
- 2021-12-29 02:54:56
- ចំនួនមតិ 0 | ចំនួនចែករំលែក 0
CAMSOC៖ នឹងធ្វើសិក្ខាសាលាស្ដីអំពី «អភិបាលកិច្ចល្អក្នុងការគ្រប់គ្រងស៊ីហ្គេម»
ចន្លោះមិនឃើញ
ឯកឧត្ដម វ៉ាត់ ចំរើន ប្រជុំម្សិលមិញនេះគណអចិន្ត្រៃយ៍បានពិនិត្យ និងស្នើសុំនូវពេលវេលាសមស្របណាមួយដើម្បីរៀបចំធ្វើសិក្ខាសាលាស្ដីអំពី «អភិបាលកិច្ចល្អក្នុងការគ្រប់គ្រងស៊ីហ្គេម និងអាស៊ានបារ៉ាហ្គេម»។
អគ្គលេខាធិការ CAMSOC ខាងលើនេះបានឲ្យដឹងថា កិច្ចប្រជុំប្រចាំសប្ដាហ៍ម្សិលមិញនេះគឺពិនិត្យលើការរៀបចំបូកសរុបការងារឆ្នាំ២០២១ និងលើកទិសដៅរហូតដល់ស៊ីហ្គេម ឆ្នាំ២០២៣តែម្ដង។
ឯកឧត្ដមបន្តលើកឡើងទៀតថា កិច្ចប្រជុំនេះដែរគឺបានស្នើសុំដល់សម្ដេចពិជ័យ ប្រធាន CAMSOC នូវពេលវេលាសមស្របដើម្បីរៀបចំធ្វើសិក្ខាសាលា «អភិបាលកិច្ចល្អក្នុងការគ្រប់គ្រងស៊ីហ្គេម និងអាស៊ានបារ៉ាហ្គេម»។ សិក្ខាសាលានេះគោលបំណងគឺការដាក់ចេញភាពច្បាស់លាស់នៃរដ្ឋបាលកិច្ចល្អ តម្លាភាព គណនេយ្យភាព និងភាពស្មោះត្រង់ក្នុងការងារ ការទទួលខុសត្រូវខ្ពស់។
រំលឹកដែរថា គណៈកម្មការជាតិរៀបចំព្រឹត្តិការណ៍ស៊ីហ្គេម ឆ្នាំ២០២៣ តែងតែបើកកិច្ចប្រជុំរៀងរាល់សប្ដាហ៍ដើម្បីពិនិត្យវឌ្ឍនៈភាពការងារ និងដោះស្រាយបញ្ហាប្រឈមផ្សេង។ ម្សិលមិញនេះដែរ CAMSOC បន្តប្រជុំនៅ NOCC ដឹកនាំដោយឯកឧត្ដម ថោង ខុន អនុប្រធាន និងឯកឧត្ដម វ៉ាត់ ចំរើន អគ្គលេខាធិការ រួមនិងប្រធានគណៈកម្មការផ្សេងៗទៀត៕