/Snongka-V/604ac74a42303_1615513380_medium.jpg)
- 2021-12-21 02:15:29
- បាល់ទះ
អ្នកប៉ះសេ ស៊ូ ម៉េងឃាង សម្រេចបញ្ចប់អាជីពបាល់ទះតែត្រឹមនេះ
- 2021-12-21 02:15:29
- ចំនួនមតិ 0 | ចំនួនចែករំលែក 0
អ្នកប៉ះសេ ស៊ូ ម៉េងឃាង សម្រេចបញ្ចប់អាជីពបាល់ទះតែត្រឹមនេះ
ចន្លោះមិនឃើញ
កាលពីខែតុលា ឆ្នាំ២០២១កន្លងទៅ ក្លឹបបាល់ទះស្នងការដ្ឋាននគរបាលរាជធានីភ្នំពេញបានរុះរើកីឡាករទ្រង់ទ្រាយធំ ហើយក្នុងនោះក៏មានអ្នកប៉ះសេដៃទីមួយ ស៊ូ ម៉េងឃាង មួយរូបដែរ។
មកទល់នឹងពេលនេះ មិនទាន់មានព័ត៌មានណាមួយចុះផ្សាយពីការរកទ្រនំថ្មីរបស់អ្នកប៉ះសេ មានដើមកំណើតមកពីខេត្តកំពង់ចាមនៅឡើយទេ។ បើតាមការសាកសួររបស់ Sabay នៅព្រឹកនេះ ម៉េងឃាង មិនបានទៅចូលរួមជាមួយក្លឹបណាទេ ពោលគឺគេបានបញ្ចប់អាជីពបាល់ទះត្រឹមនេះតែម្ដង។
ម៉េងឃាង បានប្រាប់ថា ៖«ខ្ញុំឈប់លេងហើយបង ខ្ញុំឈប់លេងហើយ លែងចូលក្លឹបណាទាំងអស់...ឥឡូវឈប់ហើយ អត់លេងពីកីឡាតែម្ដង»។
នៅឆ្នាំ២០១១ ដល់ ២០១២ កីឡាករមានបទពិសោធក្រាស់ក្រែលលើវិថីបាល់ទះរូបនេះលេងឱ្យក្រុមកំពង់ចាម ឆ្នាំ២០១៥ ដល់ ២០១៦ គេហ្វឹតហាត់និងលេងនៅក្លឹបបាល់ទះក្រសួងមហាផ្ទៃ។ ហាត់នៅក្លឹបក្រសួងមហាផ្ទៃបានមួយឆ្នាំ គេក៏សម្រេចឈប់មួយរយៈ ដើម្បីបន្តការសិក្សាបញ្ចប់ថ្នាក់ទី១២។ លុះដល់ឆ្នាំ២០១៩ គេចូលហាត់និងលេងនៅក្លឹបស្នងការនគរបាលរាជធានីភ្នំពេញរហូតដល់ខែតុលា ឆ្នាំ២០២១នេះ។ គួរបញ្ជាក់ដែរថា បច្ចុប្បន្នគេកំពុងបម្រើការងារជាមន្ត្រីប៉ូលិសនៅរាជធានីភ្នំពេញ៕
