- 2021-09-08 04:18:05
- បាល់ទះ
ឪពុកកូនលេងគ្នាហើយ! សុវណ្ណនាថ តាវ៉េត ភ្នាល់លោតកម្ពស់ អ្នកចាញ់អស់១ម៉ឺន
- 2021-09-08 04:18:05
- ចំនួនមតិ 0 | ចំនួនចែករំលែក 0
ឪពុកកូនលេងគ្នាហើយ! សុវណ្ណនាថ តាវ៉េត ភ្នាល់លោតកម្ពស់ អ្នកចាញ់អស់១ម៉ឺន
ចន្លោះមិនឃើញ
លោកតា វ៉េត កាលពីពេលថ្មីៗនេះបានធ្វើឱ្យអ្នកលេងបណ្ដាញសង្គម TikTok មានភាពសប្បាយរីករាយ ដោយលោកបានភ្នាល់លោតកម្ពស់ជាមួយកូនរបស់ខ្លួនគឺតារាបាល់ទះក្រៅផ្លូវការដ៏ល្បីឈ្មោះ វ៉េត សុវណ្ណនាថ។
បើតាមវីដេអូបង្ហោះលើបណ្ដាញសង្គម TikTok របស់ វ៉េត ជីនិត ដែលត្រូវជាប្អូនប្រុសនិងកូនបង្កើត បើតាវ៉េតលោតផុតកម្ពស់ដែលដាក់ឱ្យនោះ លោកនឹងទទួលបានទឹកប្រាក់ ១ ម៉ឺនរៀលពីកីឡាករប្ដូរចង្កេះលើអាកាសសុវណ្ណនាថ ប៉ុន្តែបើបរាជ័យលោកត្រូវអស់ ១ ម៉ឺនរៀលវិញ។ យ៉ាងណាដោយសារបង្គោលនោះខ្ពស់ពេក អ្នកលេងបាល់ទះវ័យចំណាស់រូបនេះមិនអាចលោតផុតឡើយ។
តាវ៉េតក៏មានឈ្មោះបោះសំឡេងដែរក្នុងការប្រកួតបាល់ទះក្រៅផ្លូវការ ជាពិសេសលោកធ្លាប់ចាប់ដៃគូជាមួយសុវណ្ណនាថផងដែរ។ បច្ចុប្បន្នបើទោះមានវ័យចាស់បន្តិចមែន ប៉ុន្តែតាវ៉េតនៅតែអាចលេងបាល់ទះបានយ៉ាងល្អ ដោយលោកមានជំនាញវាយសេវា ធ្វើស្មាត់ធំ និងប៉ះសេ។
វីដេអូ TikTok របស់ជិនិតបានបង្ហាញទៀតថា ពេលនេះតាវ៉េតបានចាប់ផ្ដើមហ្វឹកហាត់ឡើងវិញហើយ ដើម្បីឱ្យការលេងរបស់លោកកាន់តែល្អ៕