- 2021-01-27 09:06:59
- ប្រដាល់
ផ្លូវការ! Jake Paul តារា Youtube នឹងប្រកួតជាមួយអតីតម្ចាស់ខ្សែក្រវាត់របស់ ONE
- 2021-01-27 09:06:59
- ចំនួនមតិ 0 | ចំនួនចែករំលែក 0
ផ្លូវការ! Jake Paul តារា Youtube នឹងប្រកួតជាមួយអតីតម្ចាស់ខ្សែក្រវាត់របស់ ONE
ចន្លោះមិនឃើញ
Jake Paul ដែលគ្រប់គ្នាស្គាល់ថាជាតារា Youtube នឹងធ្វើការប្រកួតជាមួយអតីតម្ចាស់ខ្សែក្រវាត់របស់ ONE Championship គឺ Ben Askren នៅថ្ងៃទី ១៧ ខែ មេសា ឆ្នាំ ២០២១។
Paul បានចំណាយពេលជាច្រើនខែបបួល Conor McGregor ប្រកួតគ្នា។ ប៉ុន្តែបន្ទាប់ពីកីឡាករសញ្ជាតិអៀរឡង់វាយចាញ់ Dustin Poirer កាលពីសប្ដាហ៍មុន Paul បានផ្លាស់ប្ដូរចិត្តវិញ។ ពេលនេះ Paul វ័យ២៤ឆ្នាំសញ្ជាតិអាមេរិកនឹងឡើងសង្វៀនប្រកួតប្រដាល់សកលជាលើកទី៣ក្នុងអាជីព។
ដៃគូរបស់គេគឺ Askren ដែលជាអតីតម្ចាស់ខ្សែក្រវាត់ប្រភេទទម្ងន់ Welterweight របស់ស្ថាប័ន ONE Championship មុនពេលផ្លាស់ទៅវាយនៅ UFC។ វាគឺជាការប្រកួតប្រដាល់អាជីពលើកដំបូងរបស់ Askren។
Jake Paul ធ្លាប់ឆ្លងកាត់ការប្រកួតអាជីពចំនួន២ដង មិនទាន់ស្គាល់ពាក្យថាចាញ់នៅឡើយទេ ក្នុងនោះឈ្នះលើ AnEsonGib ដែលជាតារា Youtube និង Nate Robinson ជាអតីតកីឡាករបាល់បោះ។ សម្រាប់ Askren កាលប្រកួតនៅ ONE គេមិនដែលចាញ់ឡើយ។ តែក្រោយផ្លាស់មក UFC ប្រកួត៣ដង ចាញ់ដល់ទៅ២ដង ធ្វើឲ្យគេសម្រេចចូលនិវត្តន៍ពី MMA កាលពីឆ្នាំ២០១៩៕