- 2020-12-07 02:59:38
- កីឡាផ្សេងៗ
កែវ សំណាង៖ ខ្ញុំស្គាល់អារម្មណ៍ជាគ្រូហើយ គ្មានចង់បានអីពីសិស្សទេ ចង់ឲ្យតែសិស្សឈ្នះ
- 2020-12-07 02:59:38
- ចំនួនមតិ 0 | ចំនួនចែករំលែក 0
កែវ សំណាង៖ ខ្ញុំស្គាល់អារម្មណ៍ជាគ្រូហើយ គ្មានចង់បានអីពីសិស្សទេ ចង់ឲ្យតែសិស្សឈ្នះ
ចន្លោះមិនឃើញ
អ្នកលេងក្បាច់គុនតេក្វាន់ដូ ITF កែវ សំណាង ថានៅពេលនេះខ្ញុំយល់ពីអារម្មណ៍ជាគ្រូហើយ គឺគ្មានចង់បានអ្វីទាំងអស់ពីសិស្ស ពោលចង់ឲ្យតែសិស្សទទួលជោគជ័យទៅបានហើយ។
កែវ សំណាង គ្រូបង្វឹកតេក្វាន់ដូ ITF ក្លឹបថ្មស ខេត្តកោះកុង បានឲ្យដឹងថា ពីមុនខ្លួនឯងត្រឹមជាសិស្សមិនបានដឹងអ្វីច្រើន ឬយល់អារម្មណ៍គ្រូនោះទេ។ ប៉ុន្តែឥលូវខុសពីមុន នៅពេលក្លាយជាគ្រូគេទើបដឹងថា វារំភើប និងខំប្រឹងប៉ុណ្ណាដើម្បីឲ្យសិស្សឈ្នះការប្រកួតនានា។
គ្រូមកពីខេត្តកោះកុងខាងលើនេះបន្តលើកឡើងទៀតថា ពេលក្លាយជាគ្រូគេអារម្មណ៍អន្ទះអន្ទែងពេលសិស្សប្រកួត។ អារម្មណ៍គ្រូគឺគ្មានចង់បានអ្វីពីសិស្សឡើយ ចង់ឲ្យសិស្សជោគជ័យជាង ខ្លួនឯងជោគជ័យទៅទៀត។
រំលឹកដែរថា កែវ សំណាង ជាអតីតម្ចាស់មេដាយមាស២គ្រឿង នៃព្រឹត្តិការណ៍ជ្រើសរើសជើងឯកតេក្វាន់ដូ ITF អាស៊ីអាគ្នេយ៍ ឆ្នាំ២០១៦ នៅកម្ពុជា។ បច្ចុប្បន្នលោកជាគ្រូបង្វឹកប្រចាំក្លឹបតេក្វាន់ដូ ថ្មស ខេត្តកោះកុង។ ចូលរួមប្រកួតលើកទី១ កម្មវិធីជើងឯកថ្នាក់ជាតិ ឆ្នាំ២០២០ ទើបបញ្ចប់នៅភ្នំពេញនេះ ក្លឹបថ្មស ឈ្នះមេដាយសំរឹទ្ធ ២គ្រឿង៕
វីដេអូ