- 2016-02-17 21:04:10
- បាល់ទាត់
វេស្ទើននាំចូលកីឡាករថ្មី ១០នាក់មកពង្រឹងក្រុមត្រៀមរដូវកាលថ្មី
- 2016-02-17 21:04:10
- ចំនួនមតិ 0 | ចំនួនចែករំលែក 0
វេស្ទើននាំចូលកីឡាករថ្មី ១០នាក់មកពង្រឹងក្រុមត្រៀមរដូវកាលថ្មី
ចន្លោះមិនឃើញ
ក្លឹបបាល់ទាត់វេស្ទើនបាននាំចូលកីឡាករចំណូលថ្មីចំនួន ១០នាក់បន្ថែមកីឡាករដែលមានស្រាប់ ដើម្បីត្រៀមខ្លួនប្រកួតប្រជែងលីគកំពូលកម្ពុជា ដែលនឹងចាប់ផ្ដើមនាថ្ងៃទី១៩ ខែកុម្ភៈ ឆ្នាំ២០១៦ ខាងមុននេះ។
លោក កែវ ភិរុណ គ្រូជំនួយក្លឹបបាល់ទាត់វេស្ទើនបានឲ្យដឹងថា មកដល់ថ្ងៃនេះក្លឹបរបស់លោកបានចុះកុងត្រារួចរាល់ជាមួយកីឡាករចំណូលថ្មីចំនួន១០នាក់។ កីឡាករដែលបានចុះកុងត្រានេះសុទ្ធតែធ្លាប់មានបទពិសោធន៍ច្រើនក្នុងវិស័យបាល់ទាត់។
លោកបន្តថា កីឡាករចំណូលថ្មីទាំង១០នាក់ក្នុងនោះកីឡាករកម្ពុជា៧រូប និងកីឡាករបរទេស៣រូប។ កីឡាករទាំង ១០នាក់រួមមាន៖
១.ឡេះ ហ៊ីម (បៀលប្រាយ យូណាយធីត) ចាំទី ២.រស់ គង់រឹទ្ធី (បៀលប្រាយ យូណាយធីត) ការពារ ៣.សែម ប៊ុននី (បៀលប្រាយ យូណាយធីត) បម្រើ ៤.ព្រុំ ពុទ្ធសិទ្ធី (អាស៊ី អឺរ៉ុប យូណាយធីត) បម្រើ ៥. សាន ណារឹទ្ធ (អាស៊ី អឺរ៉ុប យូណាយធីត) បម្រើ ៦.ហួ ឡាវី (អាស៊ី អឺរ៉ុប យូណាយធីត) បម្រើ ៧.រុន រ៉ានី ក្លឹបដើម (មជ្ឍមណ្ឌលកំចាត់មីនកម្ពុជា) ប្រយុទ្ធ ៨.AKIRA HIGASHI YAMA មកពីប្រទេស ជប៉ុន ៩.RIO JI NOVE (JAPAN) មកពីប្រទេស ជប៉ុន ១០.KARMO ALEX BYAM មកពីប្រទេស លីបេរីយ៉ា
កម្មវិធីប្រកួតលីគកំពូលកម្ពុជាសប្ដាហ៍ទី១ របស់វេស្ទើនត្រូវជួបក្លឹបណាហ្គាវើល នៅពហុកីឡដ្ឋានជាតិវេលាម៉ោង ៦:០០៕
អត្ថបទ៖ ស្រី សុវណ្ណដារ៉ា រូបថត៖ វេស្ទើន