- 2015-12-04 16:24:12
- បាល់ទាត់
វេស្ទើនគ្រោងកំណត់ប្រាក់ខែខ្ពស់សមរម្យដល់កីឡាករខ្លួនដែលជាប់ជម្រើសជាតិ
- 2015-12-04 16:24:12
- ចំនួនមតិ 0 | ចំនួនចែករំលែក 0
វេស្ទើនគ្រោងកំណត់ប្រាក់ខែខ្ពស់សមរម្យដល់កីឡាករខ្លួនដែលជាប់ជម្រើសជាតិ
ចន្លោះមិនឃើញ
ក្លិបបាល់ទាត់វេស្ទើនភ្នំពេញ នឹងកំណត់ប្រាក់ខែខ្ពស់សមរម្យសម្រាប់កីឡាករណាដែលជាប់ជម្រើសជាតិកម្ពុជាមកលេងឲ្យក្លិបរបស់ខ្លួន ប្រសិនបើក្លិបអាចរកចំណូលបានគ្រប់គ្រាន់ក្នុងរយៈពេលណាមួយពីអ្នកឧបត្ថម្ភ ដើម្បីពង្រឹងក្រុម និងជួយលើកកម្ពស់វិស័យកីឡានៅកម្ពុជា។
លោក ឡៃ សុធា អ្នកចាត់ការទូទៅរបស់ក្លិបវេស្ទើនបានឲ្យដឹងថា បើក្លិបអាចរកចំណូលបានគ្រប់គ្រាន់ទៅតាមចំណាត់ការដែលបានគ្រោងទុក នឹងកំណត់ប្រាក់ខែឲ្យកីឡាករក្នុងក្លិបរបស់លោកដែលជាប់ជម្រើសជាតិ។ គម្រោងនេះបើកីឡាករជាប់ជម្រើសជាតិមានកម្រិតបច្ចេកទេសខ្ពស់ល្អ ប្រាក់តម្លៃខ្លួន នឹងកើនឡើងទៅតាមនោះដែរគឺតាមកម្រិតជាក់លាក់មួយតែម្ដងគឺចាប់ពី៨០០ ទៅ១០០០ ដុល្លារអាមេរិកឬច្រើនជាងនេះទៅតាមកម្រិតនៃការលេងបាល់ទាត់របស់កីឡាករ។
អ្នកចាត់ការរូបនេះបន្តថា បច្ចុប្បន្នអ្នកចូលមើលការប្រកួតពេលក្រុមជម្រើសជាតិមានច្រើន ប៉ុន្តែសម្រាប់ក្លិបវិញប្រកួតម្ដងសឹងគ្មានមនុស្សមើលផង ហេតុនេះអ្នកឧបត្ថម្ភពិតជាមិនទាន់ចាប់អារម្មណ៍ឡើយ។ បញ្ហានេះដោយសារក្លិបមួយចំនួនមិនទាន់មានកីឡាករលំដាប់ថ្នាក់ខ្ពស់ល្អក្នុងក្រុមជម្រើសជាតិមកលេងនៅក្នុងក្លិប។
លោកបន្ថែមថា ហេតុនេះក្លិបទាមទារមានចំណូលមកវិញដើម្បីអាចរក្សាខ្លួនចូលរួមប្រកួតលីកកំពូលបន្តទៀត ដើម្បីរៀបចំក្រុមអាចប្រជែងជាមួយក្លិបដទៃបាន និងរៀបចំការនាំចូលកីឡាករល្អៗ ក្នុងក្រុមជម្រើសជាតិមកចូលរួមជួយក្លិប។ ក្លិបបាល់ទាត់វេស្ទើនភ្នំពេញបានបញ្ចប់ទៅក្នុងចំណាត់ថ្នាក់លេខ១១ ក្នុងតារាងលីកកំពូលរបស់កម្ពុជានារដូវកាល២០១៥ កន្លងទៅ៕
អត្ថបទ៖ ស្រី សុវណ្ណដារ៉ា
