- 2015-11-12 13:17:49
- បាល់ទាត់
មើល Kagawa តែត១ក្បាលកាលថ្ងៃអាទិត្យ មុនមកប៉ះកម្ពុជា
- 2015-11-12 13:17:49
- ចំនួនមតិ 0 | ចំនួនចែករំលែក 0
មើល Kagawa តែត១ក្បាលកាលថ្ងៃអាទិត្យ មុនមកប៉ះកម្ពុជា
ចន្លោះមិនឃើញ
Shinji Kagawa ខ្សែបម្រើប្រយុទ្ធក្រុមជម្រើសជាតិជប៉ុន របស់ក្លិប Borussia Dortmund គឺជាអ្នកតែតចូលទីគ្រាប់ទី១ ជួយឲ្យក្រុមរបស់គេឈ្នះ Schalke ៣-២ នៅ Bundesliga កាលពីថ្ងៃអាទិត្យ ហើយតារាឆ្នើមរូបនេះ នឹងមកប្រទេសកម្ពុជា ដើម្បីប៉ះក្រុមគោព្រៃកម្ពុជា ក្នុងការប្រកួតវគ្គជម្រុះ 2018 World Cup នាសប្ដាហ៍ក្រោយនេះ។
Kagawa ជាតួអង្គសំខាន់បំផុតរបស់ក្រុមសាំរ៉ៃខៀវជប៉ុន។ កីឡាកររូបនេះ មានកម្ពស់១,៧២ម៉ែត្រ ប៉ុន្តែសមត្ថភាពខាងតែតបញ្ចូលទីក៏មិនធម្មតាដែរ ដូចឃើញក្នុងវីដេអូខាងក្រោមស្រាប់។ សម្រាប់រដូវកាល២០១៥-១៦ នេះ អតីតកីឡាករក្រុម Manchester United រូបនេះ ស៊ុតឲ្យ Dortmund បាន៧គ្រាប់ហើយ ក្នុងការបង្ហាញខ្លួនសរុប១៩ប្រកួត។
ចំណែកឯនៅក្រុមជម្រើសជាតិជប៉ុនវិញ Kagawa ស៊ុតបាន២៣គ្រាប់ ក្នុងការបង្ហាញខ្លួនសរុប៧៣ប្រកួត តាំងពីឆ្នាំ២០០៨មក។ ដូច្នេះចាំមើលថា ពេលជប៉ុន ប៉ះកម្ពុជា នៅពហុកីឡដ្ឋានជាតិអូឡាំពិក នាថ្ងៃទី១៧ ខែវិច្ឆិកាខាងមុខនេះ តារាឆ្នើមរូបនេះ អាចនឹងរកគ្រាប់បានទៀត ឬយ៉ាងណា?
សូមទស្សនាវីដេអូខាងក្រោម៖
ប្រែសម្រួល៖ វិន ជីវ័ន្ត ប្រភព៖ Bundesliga
