- 2015-08-17 20:00:02
- បាល់ទាត់
ទិដ្ឋភាព Van Persie ជួបក្មេងប្រុស Man Utd fan ជួយសម្រេចសុបិន
- 2015-08-17 20:00:02
- ចំនួនមតិ 0 | ចំនួនចែករំលែក 0
ទិដ្ឋភាព Van Persie ជួបក្មេងប្រុស Man Utd fan ជួយសម្រេចសុបិន
ចន្លោះមិនឃើញ
ខ្សែប្រយុទ្ធ Robin van Persie របស់ក្រុម Fenerbahce បាននិយាយថា លោកពិតជារីករាយខ្លាំងណាស់ ដែលបានជួបជាមួយអ្នកគាំទ្រវ័យក្មេងរបស់ក្រុម Manchester United ដែលយំក្ដុកក្ដួល បន្ទាប់ពីដឹងថារូបលោកចាកចេញពីក្រុមបិសាចក្រហម កាលពីខែមុន។
វីដេអូយំក្ដុកក្ដួលរបស់ក្មេងប្រុស Louis Diamond បានធ្វើឲ្យប្រធានក្លិប Fenerbahce លោក Aziz Yildirim មានការអាណិតអាសូរខ្លាំង ហើយលោកក៏បានអញ្ជើញក្រុមគ្រួសាររបស់ក្មេងប្រុសម្នាក់នេះ ធ្វើដំណើរទៅទួរគី ដើម្បីបានជួបនឹង Idol របស់គេ។
ខ្សែប្រយុទ្ធវ័យ៣២ឆ្នាំ ដែលចុះកុងត្រា៣ឆ្នាំនៅ Fenerbahce បាននិយាយថា៖ "ខ្ញុំបានឃើញវីដេអូរបស់ Louis ហើយវាពិតជាក្ដុកក្ដួលមែន ព្រោះវាកើតឡើងពីបេះដូង និងការស្រលាញ់របស់គាត់ពិតៗ។ ខ្ញុំនឹងពន្យល់នៅពេលក្រោយថា ការចាកចេញពីក្លិបគឺជាផ្នែកមួយនៃបាល់ទាត់។ ពិតជាល្អខ្លាំងណាស់ ដែលក្លិបបានអញ្ជើញគ្រួសារទាំងមូលរបស់គេមកកាន់ទីនេះ"៕
សូមទស្សនារូបភាព នឹងវីដេអូខាងក្រោម៖
-ចុចអាន៖ ក្មេងប្រុសដែលយំដោយសារ Van Persie អាចទៅជួប Idol របស់ខ្លួននៅទួរគីហើយ
ប្រែសម្រួល៖ វិន ជីវ័ន្ត ប្រភព៖ dailymail