ម្ចាស់មេដាយមាសស៊ីហ្គេមទទួលប្រាក់រង្វាន់៥ពាន់ដុល្លារពី ណាហ្គាវើល

2015-07-22 22:10:29
ព័ត៌មាន

2015-07-22 22:10:29
ចំនួនមតិ 0 | ចំនួនចែករំលែក 0

ចន្លោះមិនឃើញ

មជ្ឈមណ្ឌលកម្សាន្តណាហ្គាវើលបានផ្ដល់ប្រាក់រង្វាន់ចំនួន ៥ពាន់ដុល្លារអាមេរិកដល់ក្រុមកីឡាសីឈិនឡួនជម្រើសជាតិកម្ពុជាដែលបានឈ្នះមេដាយមាសពីព្រឹត្តិការណ៍កីឡាស៊ីហ្គេមលើកទី ២៨នៅប្រទេសសិង្ហបុរីកាលពីពេលកន្លងទៅ។

លោក ថោង ខុន (កណ្ដាល) លោក ជាតិ ខេមរា (ខាងឆ្វេង) និងតំណាងណាហ្គាវើល (ស្ដាំ)

អ្នកតំណាងណាហ្គាវើលបានយកកញ្ចប់ទឹកប្រាក់ចំនួន៥ពាន់ដុល្លារអាមេរិកផ្ដល់ជួនដល់លោកជាតិ ខេមរាគ្រូបង្វឹកកីឡាសីបាក់តាក្រ និងសីឈិនឡូនជម្រើសជាតិកម្ពុជា កាលពីព្រឹកមិញនេះក្នុងសិក្ខាសាលាស្ដីពីសេចក្ដីព្រាងផែនការមេ ត្រៀមព្រឹត្តិការណ៍កីឡាស៊ីហ្គេមលើកទី ៣២ដែលប្រទេសកម្ពុជាធ្វើជាម្ចាស់ផ្ទះ។ ក្នុងការទទួលប្រាក់រង្វាន់នេះក៏មានលោកថោង ខុនរដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា ចូលរួមធ្វើជាអធិបតីផងដែរ។

ណាហ្គាវើលផ្តល់ប្រាក់រង្វាន់ចំពោះតែអ្នកឈ្នះមេដាយមាសប៉ុណ្ណោះ ហើយនៅមានក្រុមហ៊ុនមួយចំនួនទៀតត្រូវប្រគល់រង្វាន់ដល់អ្នកឈ្នះមេដាយមាស ប្រាក់ និងសំរឹទ្ធ ពីព្រឹត្តិការណ៍កីឡាស៊ីហ្គេម ឆ្នាំ២០១៥៕