- 2015-07-20 17:09:09
- បាល់ទាត់
Van Persie ទម្លាយរឿងពិតជាមួយលោក Van Gaal
- 2015-07-20 17:09:09
- ចំនួនមតិ 0 | ចំនួនចែករំលែក 0
Van Persie ទម្លាយរឿងពិតជាមួយលោក Van Gaal
ចន្លោះមិនឃើញ
Robin van Persie បានប្រាប់មូលហេតុពិតដែលធ្វើឱ្យរូបគេសម្រេចចាកចេញពីក្លិប Manchester United ថាមកពីលោក Louis van Gaal មិនស្មោះត្រង់ជាមួយខ្លួន ដោយមិនផ្ដល់ភាពជឿជាក់លើគ្នា។
Van Persie បានសម្រេចចិត្តចាកចេញពី Man Utd ទៅលេងនៅក្លិប Fenerbahce កាលពីសប្ដាហ៍មុននេះ។ ក្រោយពីធ្វើការបង្ហាញខ្លួនរួចរាល់នៅទឹកដីប្រទេសទួរគី ខ្សែប្រយុទ្ធរូបនេះបានប្រាប់ពីមូលហេតុពិតប្រាកដដែលធ្វើឱ្យរូបគេបោះបង់ឱកាសលេងនៅ Premier League ថា៖ "បរិយាកាសនៅទីនោះបានផ្លាស់ប្ដូរហើយរវាងខ្ញុំនិងគាត់ (val Gaal) ហើយសមាជិកក្នុងក្លិបទាំងអស់ក៏បានឃើញដែរ។ ខ្ញុំមានរបួសធ្ងន់កាលពីពាក់កណ្ដាលរដូវកាល ហើយខ្ញុំបានសុំគាត់លេងត្រឹមបម្រុងទេពេលជាសះស្បើយ។ គាត់ក៏បានយល់ព្រមនឹងខ្ញុំដែរ ប៉ុន្តែពេលខ្ញុំអាចលេងបានវិញ គាត់មិនបានធ្វើបានអ្វីដែលគាត់បាននិយាយនោះទេ ”។
អតីតកីឡាករ Arsenal ខាងលើបានបន្ថែមទៀតថាលោកមិនអន់ចិត្តឬខឹងចំពោះការសម្រេចចិត្តរបស់អតីតគ្រូបង្វឹកក្រុមជម្រើសជាតិហុល្លង់រូបនេះឡើយ ព្រោះនេះហើយជាផ្នែកមួយនៃវិស័យបាល់ទាត់។ កីឡាករទាំងអស់ត្រូវទទួលស្គាល់វា ហើយដោះស្រាយតាមវិធីសមស្របបំផុតគឺចាកចេញពីក្លិបដើម្បីសម្រេចគោលដៅថ្មី។
ខ្សែប្រយុទ្ធវ័យ៣១ឆ្នាំរូបនេះផ្លាស់ពី Arsenal ទៅ Man Utd នៅឆ្នាំ២០១២ ក្រោមការដឹកនាំរបស់លោក Sir Alex Fugerson ។ រដូវកាល ២០១២-២០១៣ រូបគេចូលលេងបាន៤៨ប្រកួត រកគ្រាប់បាល់បាន២០ , រដូវកាល ២០១៣-២០១៤ ចូលលេងបាន២៨ប្រកួត រកគ្រាប់បាល់បាន១៨គ្រាប់និងរដូវកាលទើបតែបញ្ចប់ទៅនេះចូលលេងបាន២៩ប្រកួតរកគ្រាប់បាល់បាន១០គ្រាប់៕
ចុចអាន៖Van Persie ទៅដល់ទួរគី អ្នកគាំទ្រច្រើនកុះករអន្ទះសាចង់ជួប
ចុចអាន៖ក្មេងប្រុសម្នាក់យំស្ទើរគាំង ពេលដឹងថា Van Persie ចាកចេញពី Man Utd
ប្រែសម្រួល៖ មុន្នី រម្យ ប្រភព៖ dailymail