- 2015-07-15 18:01:13
- បាល់ទាត់
ថ្ងៃបង្ហាញខ្លួន Van Persie នាំកូនប្រុសលេងមួយក្បាច់មុខអ្នកគាំទ្រនៅទួរគី
- 2015-07-15 18:01:13
- ចំនួនមតិ 0 | ចំនួនចែករំលែក 0
ថ្ងៃបង្ហាញខ្លួន Van Persie នាំកូនប្រុសលេងមួយក្បាច់មុខអ្នកគាំទ្រនៅទួរគី
ចន្លោះមិនឃើញ
Robin van Persie បានបង្ហាញខ្លួនមុខអ្នកគាំទ្រក្រុម Fenerbahce របស់ទួរគីហើយកាលពីម្សិលមិញ។ ក្នុងកម្មវិធីបង្ហាញខ្លួននោះដែរ ខ្សែប្រយុទ្ធសញ្ជាតិហុល្លង់រូបនេះបានបង្ហាញក្បាច់ត្រែះបាល់ជាមួយកូនប្រុសរបស់ខ្លួនយ៉ាងឡូយ មុខអ្នកគាំទ្រចំនួន១ម៉ឺននាក់។
Van Persie បានចុះកុងត្រារយៈពេល៣ឆ្នាំជាមួយ Fenerbahce ដោយទទួលបានប្រាក់ប្រចាំសប្ដាហ៍រហូតដល់ ២៤០ ០០០ផោន (ជាង៣៧ម៉ឺនដុល្លារ) ឯណោះ។ ថ្ងៃដំបូងរបស់ខ្សែប្រយុទ្ធវ័យ៣១ឆ្នាំរូបនេះនៅកីឡដ្ឋាន Fenerbahce មានអ្នកចូលរួមអបអរគាំទ្រយ៉ាងច្រើន ហើយរូបគេផ្ទាល់ក៏បាននាំកូនប្រុសមកបញ្ចេញក្បាច់ត្រែះបាល់ដើម្បីទាត់ទៅឱ្យអ្នកគាំទ្រយ៉ាងឡូយផងដែរ ។
បន្ទាប់ពីការបង្ហាញសមត្ថភាពនោះរួច អតីតកីឡាករ Arsenal និង Man Utd រូបនេះបាននិយាយថា៖ "ខ្ញុំសន្យាជាមួយអ្នកគាំទ្រទាំងអស់ ខ្ញុំនឹងធ្វើអ្វីគ្រប់យ៉ាងដែលខ្ញុំអាចធ្វើបានដើម្បីជួយ Fenerbahce ឈ្នះពានរង្វាន់ដើម្បីឱ្យអ្នកគ្រប់គ្នាសប្បាយចិត្ត។ សូមចូលរួមធ្វើរឿងនេះទាំងអស់គ្នា”។
Van Persie លេងនៅបិសាចក្រហមបាន៣រដូវកាល ដោយរកគ្រាប់បាល់បាន៥៨គ្រាប់ក្នុងការបង្ហាញខ្លួន១០៥ប្រកួត។ ខ្សែប្រយុទ្ធរូបនេះធ្វើបានយ៉ាងល្អកាលលោក Sir Alex Fugerson នៅ ពោលគឺរូបគេរកបាន២៦គ្រាប់ក្នុងរដូវកាល Man Utd លើកពាន Premier League ២០១២-២០១៣៕
ចុចអានVan Persie ថា Man Utd ត្រូវចាយ២០០លានផោនទៀត ដើម្បីលើកពាន
ប្រែសម្រួល៖ មុន្នី រម្យ ប្រភព៖ bbc