- 2015-07-23 21:00:09
- បាល់ទាត់
វេស្ទើនបើកសាលាកីឡាថ្ងៃ២៥ខាងមុខនេះ មានសិស្សចុះឈ្មោះជិត ៥០នាក់ហើយ
- 2015-07-23 21:00:09
- ចំនួនមតិ 0 | ចំនួនចែករំលែក 0
វេស្ទើនបើកសាលាកីឡាថ្ងៃ២៥ខាងមុខនេះ មានសិស្សចុះឈ្មោះជិត ៥០នាក់ហើយ
ចន្លោះមិនឃើញ
គិតមកដល់ពេលនេះសាលាបង្ហាត់ផ្នែកកីឡារបស់ វេស្ទើនមានអ្នកចុះឈ្មោះចូលរៀនជិត៥០នាក់ហើយ បន្ទាប់ពីមានគម្រោងបើកឲ្យចុះឈ្មោះចូលរៀននាថ្ងៃទី២៥ ខែកក្កដា ឆ្នាំ ២០១៥ ខាងមុងនេះ។
កីឡាកររបស់វេស្ទើនកំពុងហ្វឹកហាត់
លោក ឡៃ សុធា អ្នកចាត់ការក្រុមវេស្ទើនបានឲ្យដឹងថា តាមគម្រោងក្លិបនឹងបើកឲ្យយុវជនដែលស្នេហាវិស័យបាល់ទាត់នៅកម្ពុជាចុះឈ្មោះចូលហាត់ក្នុងសាលាកីឡារបស់វេស្ទើននាថ្ងៃទី២៥ ខែកក្កដា ឆ្នាំ២០១៥ ខាងមុខនេះ ប៉ុន្តែពេលនេះទើបតែដល់ថ្ងៃទី២៣ ក៏មានសិស្សមកចុះឈ្មោះហាត់រៀនចំនួនជិត៥០នាក់ហើយ។ អ្នកមានបំណងចង់រៀនក្នុងសាលាកីឡានេះអាចចុះឈ្មោះចូលរៀនបានគ្រប់ពេលវេលាគ្មានចំនួនកំណត់ឡើយ។
សម្រាប់ការបង់ថ្ងៃហ្វឹកហាត់នេះ កីឡាករម្នាក់ត្រូវចំណាយប្រាក់៥០ដុល្លារអាមេរិកក្នុងមួយខែ ប៉ុន្តែអ្នកចុះឈ្មោះនឹងទទួលបានសំលៀកបំពាក់កីឡាមួយឈុត បូករួមទាំងការសិក្សាភាសាអង់គ្លេសនៅសាលាវេស្ទើនជាដើម។ មិនត្រឹមតែប៉ុណ្ណោះ ប្រសិនបើកីឡាកររូបណាមានទេពកោសល្យល្អ សាលានឹងជ្រើសរើសកីឡាកររូបនោះជាកីឡាករយុវជនរបស់វេស្ទើន ព្រមទាំងទទួលបានការសិក្សានៅសាលាមួយឆ្នាំពេញដោយគ្មានការបង់ប្រាក់។
លោកបន្តទៀតថា ប្រសិនបើកីឡាករដែលកំពុងហ្វឹកហាត់ក្នុងក្រុមយុវជនណាម្នាក់ មានទេពកោសល្យល្អ និងបង្ហាញទម្រង់លេងធ្វើឲ្យគ្រូបង្វឹកក្នុងក្រុមឈុតធំរបស់វេស្ទើនចាប់អារម្មណ៍ ក្លិបនឹងជ្រើសយកកីឡាកររូបនោះមកលេងនៅក្រុមធំរបស់ក្លិបតែម្ដង ព្រមទាំងផ្ដល់កុងត្រា និងមានប្រាក់ខែសមរម្យ។ ពេលវេលាក្នុងការហ្វឹកហាត់អាចចន្លោះពី៣ទៅ ៤ម៉ោងក្នុងមួយថ្ងៃ ប៉ុន្តែហ្វឹកហាត់រៀងរាល់ថ្ងៃសៅរ៍ និងថ្ងៃអាទិត្យប៉ុណ្ណោះ។ សម្រាប់គ្រួវិញសាលាបានទាក់ទងទៅគ្រូដែលមានទេពកោសល្យមកពីប្រួទេសហូឡង់ (ក្លិប Sparta Rotterdam) និងហុងកុងមកបង្ហាត់គ្រូរបស់វេស្ទើន ហើយគ្រូរបស់វេស្ទើននឹងបង្ហាត់សិស្សទាំងអស់បន្ត។
វគ្គបណ្តុះបណ្ដាលថ្នាលយុវជននេះគឺស្របពេលដែលប្រទេសកម្ពុជាត្រៀមរៀបចំធ្វើម្ចាស់ផ្ទះព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣។ ក្រុមយុវជនមាន៤កម្រិតសម្រាប់វគ្គបណ្តុះបណ្តាលនេះគឺអាយុចាប់ពី ៦ទៅ៨ឆ្នាំ, ៩ទៅ១២ឆ្នាំ និង ១៣ដល់១៨ ឆ្នាំ៕
អត្ថបទ៖ ស្រី សុវណ្ណដារ៉ា រូបថត៖ វេស្ទើន