ជម្រើសជាតិ U-14 នារីរបស់កម្ពុជា ចេញទៅប្រកួតពានលំដាប់ទ្វីបអាស៊ី នៅវៀតណាម

2015-06-22 14:41:56
ព័ត៌មាន

2015-06-22 14:41:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិនារីក្រោមអាយុ១៤ឆ្នាំ (U-14) បានធ្វើដំណើរទៅកាន់ទីក្រុងហាណូយ ប្រទេសវៀតណាម កាលពីព្រឹកម្សិលមិញ ដើម្បីត្រៀមខ្លួនប្រកួតក្នុងវគ្គជម្រុះប្រចាំតំបន់អាស៊ាន នៃពានរង្វាន់លំដាប់ទ្វីបអាស៊ី AFC U-14 Girls Regional Championship 2015 នៅទីនោះ។

ក្រុម U14 នារីកម្ពុជា កាលហ្វឹកហាត់នៅបាទី

លោកគ្រូបង្វឹក មាស សំអឿន នឹងដឹកនាំក្រុមកម្ពុជា ប្រកួតក្នុងពូល A ប្រចាំតំបន់អាស៊ាន ដោយជួបជាមួយក្រុម មីយ៉ាន់ម៉ា ថៃ និង ឡាវ ស្របពេលក្រុមឥណ្ឌូណេស៊ី ត្រូវដកខ្លួនបន្ទាប់ពីសហព័ន្ធកីឡាបាល់ទាត់អន្តរជាតិ FIFA ពិន័យប្រទេសមួយនេះមិនឱ្យមានសកម្មភាពបាល់ទាត់លើឆាកអន្តរជាតិ។

តំបន់អាស៊ាន មានប្រទេសចូលរួមចំនួន ៨ ចែកជា ២ ពូល រៀបចំឡើងនៅប្រទេសវៀតណាមដូចគ្នា ដោយប្រកួតចាប់ពីថ្ងៃទី ២៣ ដល់ ២៥ មិថុនា ឆ្នាំ ២០១៥ ស្របពេលវគ្គពាក់កណ្ដាលប្រកួតនៅថ្ងៃទី ២៧ ខែ មិថុនា និង ថ្ងៃទី ២៨ មិថុនា ប្រកួតផ្ដាច់ព្រ័ត្រ ស្វែងរកជើងខ្លាំងប្រចាំតំបន់តែម្ដង។

ពូល A	ពូល B
មីយ៉ាន់ម៉ា	វៀតណាម
ថៃ	សិង្ហបុរី
ឡាវ	ម៉ាឡេស៊ី
កម្ពុជា	ហ្វីលីពីន

AFC U14 Girl’s Regional Championship 2015 មានក្រុមចូលរួមមកពីតាមប្រទេសនានាក្នុងទ្វីបអាស៊ី ដោយបែងចែកវគ្គជម្រុះដំបូងជា ៤ តំបន់ធំៗ គឺអាស៊ីបូព៌ា, អាស៊ីខាងលិច, អាស៊ាន និង អាស៊ី ខាងត្បូង&កណ្ដាល៕

កម្មវិធីប្រកួតពូល A
កាលបរិច្ឆេទ	ម៉ោង	គូប្រកួត	ទីលាន
២៣/៦/២០១៥	២ រសៀល	មីយ៉ាន់ម៉ា Vs កម្ពុជា	Vietnam YFTC Field
២៣/៦/២០១៥	៤ រសៀល	ថៃ Vs ឡាវ
២៤/៦/២០១៥	២ រសៀល	កម្ពុជា Vs ថៃ
២៤/៦/២០១៥	៤ រសៀល	ឡាវ Vs មីយ៉ាន់ម៉ា
២៥/៦/២០១៥	២ រសៀល	មីយ៉ាន់ម៉ា Vs ថៃ
២៥/៦/២០១៥	៤ រសៀល	កម្ពុជា Vs ឡាវ