- 2015-05-08 16:30:37
- ព័ត៌មាន
ទិដ្ឋភាពសំអាតចុងក្រោយការជួសជុលទីលានពហុកីឡដ្ឋានអូឡាំពិក
- 2015-05-08 16:30:37
- ចំនួនមតិ 0 | ចំនួនចែករំលែក 0
ទិដ្ឋភាពសំអាតចុងក្រោយការជួសជុលទីលានពហុកីឡដ្ឋានអូឡាំពិក
ចន្លោះមិនឃើញ
ការជួសជុលទីលានបាល់ទាត់ពហុកីឡដ្ឋានជាតិអូឡាំពិកដែលដាក់ដាំស្មៅសិប្បនិម្មិតជំនួសស្មៅធម្មជាតិបានដល់សប្ដាហ៍ចុងក្រោយហើយ បន្ទាប់ពីគ្រឿងចក្របានចាប់ផ្តើមឈូសឆាយតាំងពីខែវិច្ឆិកា ឆ្នាំ២០១៤។
លោក គល់ សុផាន់ណា អគ្គលេខាធិការសហព័ន្ធកីឡាបាល់ទាត់កម្ពុជាបានប្រាប់ទូរទស្សន៍ក្នុងស្រុកមួយថា ការជួសជុលទីលានបាល់ទាត់ក្នុងពហុកីឡដ្ឋានជាតិអូឡាំពិកកម្ពុជានឹងបញ្ចប់នៅសប្ដាហ៍នេះហើយ។ គម្រោងជួសជុលដែលជាការចំណាយរបស់សហព័ន្ធកីឡាបាល់ទាត់អន្តរជាតិ (FIFA)តាមរយៈថវិកា Goal Project ដែលមាន៥០ម៉ឺនដុល្លារសហរដ្ឋអាមេរិកបានចាប់ផ្ដើមកាលពីថ្ងៃទី១៥ ខែវិច្ឆិកា ឆ្នាំ២០១៤ និងត្រូវបញ្ចប់ទៅនៅថ្ងៃទី១៥ ខែ ឧសភា ឆ្នាំ ២០១៥ ខាងមុខនេះ ប៉ុន្តែការជួសជុលបានបញ្ចប់មុនពេលកំណត់។
គម្រោង Goal Project របស់ FIFA ទទួលបន្ទុកលើតែការជួសជុលទីលានបាល់ទាត់ប៉ុណ្ណោះ ខណៈការជួសជុលហេដ្ឋារចនាសម្ពន្ធនានានៅពហុកីឡដ្ឋានជាតិអូឡាំពិកជាការចំណាយរបស់ក្រសួងអប់រំ យុវជន និងកីឡា៕
ទិដ្ឋភាពថតព្រឹកមិញ
អត្ថបទ៖ ជាន ចាន់រ៉ា
