- 2014-12-26 00:36:49
- បាល់ទាត់
ក្រុមវេស្ទើន ជួបវិបត្តិ ដកខ្លួនចេញពីពាន Hun Sen Cup
- 2014-12-26 00:36:49
- ចំនួនមតិ 0 | ចំនួនចែករំលែក 0
ក្រុមវេស្ទើន ជួបវិបត្តិ ដកខ្លួនចេញពីពាន Hun Sen Cup
ចន្លោះមិនឃើញ
ក្រុមបាល់ទាត់វេស្ទើនយូនីអេហ្វស៊ីបានសម្រេចដកខ្លួនចេញពីការប្រកួតយុទ្ធនាការបាល់ទាត់ពានរង្វាន់ Hun Sen Cup ហើយ ក្រោយវិលត្រឡប់មកពីចូលរួមក្នុងព្រឹត្តិការណ៍កីឡាសាកលវិទ្យាល័យអាស៊ាននៅប្រទេសឥណ្ឌូណេស៊ី កាលពីប៉ុន្មានថ្ងៃមុន។
លោក ឡៃ សុធា អ្នកចាត់ការទូទៅក្លិបវេស្ទើនបានប្រាប់មុននេះបន្តិចថា ក្លិបរបស់លោកបានសម្រេចដកខ្លួនចេញពីការប្រកួតពានរង្វាន់ Hun Sen Cup ហើយ។ លោកបានប្រាប់មូលហេតុថា ៖«រត់ឯកសារឲ្យសហព័ន្ធអត់ទាន់ ក៏ឈប់តែម្តង។ យើងកំពុងមានបញ្ហាច្រើនពាក់ព័ន្ធនឹងកីឡាករ បន្ទាប់ពីក្រុមចាញ់នៅកីឡាសាកលវិទ្យាល័យអាស៊ាន ហើយអត់បានត្រៀមខ្លួនទៀត។ ខ្ជិលសាំញ៉ាំច្រើន ដកខ្លួនទៅ ចាំឆ្នាំក្រោយទៀតចាំចូល»។
លោកបានបន្ថែមថា ៖«ម្យ៉ាង ក្លិបខ្វះលុយទៀតដែលធ្វើឲ្យយើងពិបាកចូលរួម»។
តាមការចាប់ពូល ក្លិបវេស្ទើនស្ថិតនៅក្នុងពូល A ដែលមានក្លិបក្រ សួងការពារជាតិ អាកាសចរស៊ីវិល និងខណ្ឌច្បារអំពៅ (ព្រែប្រាកីឡា) ដែលចាប់ប្រកួតពីថ្ងៃទី ៨ ដល់ ១២ មករា ឆ្នាំ ២០១៥ខាងមុខ៕
អត្ថបទ៖ ជាន ចាន់រ៉ា
