- 2014-12-18 16:08:37
- បាល់ទាត់
អ្នកចាត់ការវេស្ទើន ឡៃ សុធា នឿយណាយនឹងបាល់ទាត់ ក្រោយចាញ់នៅ AUG
- 2014-12-18 16:08:37
- ចំនួនមតិ 0 | ចំនួនចែករំលែក 0
អ្នកចាត់ការវេស្ទើន ឡៃ សុធា នឿយណាយនឹងបាល់ទាត់ ក្រោយចាញ់នៅ AUG
ចន្លោះមិនឃើញ
អ្នកចាត់ការទូទៅរបស់ក្លិបបាល់ទាត់វេស្ទើនយូនីអេហ្វស៊ី លោក ឡៃ សុធា បានបង្ហាញពីអារម្មណ៍នឿយណាយនឹងបាល់ទាត់ បន្ទាប់ពីក្រុមរបស់លោកមិនទទួលបានជ័យជម្នះ ក្នុងព្រឹត្តិការណ៍កីឡាសាកលវិទ្យាល័យអាស៊ានលើកទី១៧ (Asean University Games 2014) នៅប្រទេសឥណ្ឌូណេស៊ី។
លោក ឡៃ សុធា បានប្រាប់ Facebook ពីប្រទេសឥណ្ឌូណេស៊ីដែលលោក និងកូនក្រុមរបស់លោកស្ថិតនៅដោយគ្មានធ្វើអ្វីក្រៅពីដេកនៅក្នុងសណ្ឋាគារ និងញុំាអាហារ បន្ទាប់ពីក្រុមរបស់លោកបញ្ចប់ការប្រកួតវគ្គជម្រុះថា ៖«ខ្ញុំមានអារម្មណ៍ថា ចង់ឈប់ពីការងារបាល់ទាត់ហើយ...ហើយបន្ទាប់មកខ្ញុំគ្រាន់តែតាមដានពីវិស័យបាល់ទាត់នៅស្រុកខ្មែរ និងប្រាប់ទៅសហព័ន្ធបាល់ទាត់កម្ពុជាឲ្យដឹងពីក្លិបបាល់ទាត់»។
ពេលសួរពីហេតុផលដែលបណ្ដាលឲ្យមានអារម្មណ៍នឿយណាយ និងចង់ចាកចេញពីការងារជាអ្នកដឹកនាំក្លិបវេស្ទើន? អ្នកចាត់ការទូទៅរូបនេះមិនបានបញ្ជាក់ឲ្យច្បាស់លាស់នោះទេដោយគ្រាន់តែនិយាយថា ៖«ខ្ញុំមានអារម្មណ៍ធុញថប់នឹងបាល់ទាត់»។
ទោះជាយ៉ាងណាភាពនឿយណាយរបស់លោកកើតឡើង បន្ទាប់ពីក្រុមរបស់លោកបានប្រកួតចាញ់ទាំង៣ប្រកួតគឺចាញ់ក្រុមមកពីប្រទេសមីយ៉ាន់ម៉ា ៤-១, ចាញ់ក្រុមឥណ្ឌូណេស៊ី ៣-០ និងចាញ់ក្រុមឡាវ ៣-១ នៅក្នុងពូល B នៃព្រឹត្តិការណ៍កីឡាសាកលវិទ្យាល័យអាស៊ានលើកទី១៧ នៅប្រទេសឥណ្ឌូណេស៊ី។
ព្រឹត្តិការណ៍កីឡាសាកលវិទ្យាល័យអាស៊ានលើកទី១៧រៀបចំឡើងនៅប្រទេសឥណ្ឌូណេស៊ីចាប់ពីថ្ងៃទី១០ដល់២១ ខែធ្នូ ឆ្នាំ២០១៤ដែលរហូតដល់ពេលនេះក្រុមកីឡាកម្ពុជាមិនទាន់ស្គាល់មេដាយណាមួយនៅឡើយទេ៕
អត្ថបទ៖ ជាន ចាន់រ៉ា