Chiesa សម្រេចចិត្តមកលេងនៅអង់គ្លេស

2024-08-28 12:55:38
បាល់ទាត់

2024-08-28 12:55:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Federico Chiesa ចូលរួមជាមួយក្លឹបហង្សក្រហម Liverpool។

ក្លឹប Liverpool និងក្លឹប Juventus បានឯកភាពគ្នារឿងតម្លៃផ្ទេររួចហើយ ដែលស្ថិតក្នុងរង្វង់ ១៥ លានដុល្លារសហរដ្ឋអាមេរិក។ ខាងសាម៉ីខ្លួន Chiesa ក៏យល់ព្រមទាំងពេញចិត្តក្នុងការចូលរួមជាមួយហង្សក្រហម។ កីឡាករសញ្ជាតិអ៊ីតាលីវ័យ ២៦ ឆ្នាំ គ្រោងហោះទៅអង់គ្លេសនាថ្ងៃនេះ ដើម្បីពិនិត្យសុខភាព និងបំពេញក្រដាសស្នាមមួយចំនួន មុនក្លាយខ្លួនជាកីឡាករ Liverpool ជាផ្លូវការ។ បើមិនមានអ្វីប្រែប្រួលទេ កីឡាកររូបនេះ នឹងចុះកុងត្រារយៈពេល ៤ ឆ្នាំជាមួយហង្សក្រហម។

ថ្លែងប្រាប់អ្នកសារព័ត៌មានក្រោយលេចលឺដំណឺងនេះ Chiesa បាននិយាយថា រូបគេសប្បាយចិត្តនឹងចូលរួមជាមួយហង្សក្រហម និងសូមអរគុណ Juventus ចំពោះពេលវេលាល្អៗកន្លងមក។

តាមពិតទៅ បើយោងតាមសេចក្ដីរាយការណ៍ជាច្រើនក្នុងដើមសប្ដាហ៍នេះ ខ្សែប្រយុទ្ធ Chiesa មានចេតនាចង់ចូលរួមជាមួយក្លឹបអេស្ប៉ាញ Barcelona។ ទោះជាយ៉ាងណា ដោយក្លឹបអ្នកមានបុណ្យ កំពុងមានបញ្ហាហិរញ្ញវត្ថុធ្ងន់ធ្ងរ ការដេញថ្លៃផ្លូវការណាមួយមិនបានកើតឡើង។ ជាមួយគ្នានេះដែរ ស្រាប់តែ Liverpool ត្រូវបានរាយការណ៍ថាបានក្លាយជាក្លឹបនាំមុខ ក្នុងការប្រជែងយកកីឡាករ Chiesa។ ការចរចាមានសភាពរហ័ស ពោលគឺប្រមាណ ៣ ថៃ្ងប៉ុណ្ណោះ គឺបិទបញ្ចប់ការផ្ទេរមួយនេះ។

Chiesa លេងឲ្យ Juventus ជាង ៥ ឆ្នាំ ហើយជាកីឡាករមានទម្រង់លេងដ៏ល្អមួយរូបប្រចាំក្លឹប។ កីឡាករលេងសរុប ១៣១ លើក និងស៊ុតចូល ៣២ គ្រាប់។

ការផ្ទេរចូល Chiesa គឺជាការផ្ទេរធំមួយរបស់ក្លឹប Liverpool ក្រោមការដឹកនាំរបស់អ្នកចាត់ការថ្មី Arna Slot។ ក្រៅពី Chiesa ក្លឹបហង្សក្រហមទើបនាំចូលបានសម្រេចអ្នកចាំទីវ័យ ២៣ ឆ្នាំ Giorgi Mamardashvili ពីក្លឹបអេស្ប៉ាញ Valencia។ កីឡាកររូបនេះនឹងមកចូលរួមជាមួយ Liverpool នៅរដូវកាលក្រោយ។