ប្រភពជិតស្និទ្ធថា ទាល់មានរឿងមួយនេះកើតឡើងទើប Hazard ចាកចេញពី Real

2022-04-18 12:05:25
បាល់ទាត់

2022-04-18 12:05:25
ចំនួនមតិ 0 | ចំនួនចែករំលែក 0

ចន្លោះមិនឃើញ

Kylian Hazard ដែលជាប្អូនប្រុសបង្កើតរបស់ខ្សែប្រយុទ្ធ Eden Hazard បាននិយាយរៀបរាប់ពីអនាគតរបស់បងប្រុសរបស់ខ្លួននៅក្លឹប Real Madrid ក្រោយអនាគតរបស់ខ្សែប្រយុទ្ធនៅក្លឹបអេស្ប៉ាញនៅរដូវកាលក្ដៅខាងមុខនឹងត្រូវពិភាក្សានិយាយគ្នា បន្ទាប់ពីកីឡាករនេះមិនសូវជាចូលរួមប្រកួតច្រើនចាប់តាំងពីផ្លាស់មកដោយសារតែរបួស។

Kylian បាននិយាយថា៖" ដរាបណា Hazard មិនទាន់បានបង្ហាញថាគេជាកីឡាករឈានមុខនៅ Real Madrid នោះគេនឹងមិនចាកចេញពីក្លឹបនេះនោះឡើយ។ និយាយទៅគេតែងតែបង្ហាញអាកប្បកិរិយាអញ្ចឹងគ្រប់ក្លឹបដែលគេធ្លាប់លេងឲ្យកន្លងមក។ អញ្ចឹងក្នុងគំនិតរបស់ខ្ញុំ ខ្ញុំគិតថាគេមិនទាន់ចង់ចាកចេញពី Real ឡើយទេ។ ខ្ញុំមិនជឿថាគេនឹងចាកចេញនោះទេ "។

ប្អូនប្រុស Hazard បន្តថា៖" តែបើប្រធានក្លឹប Real ចង់ឲ្យគេចាកចេញ ឬក៏គេមើលឃើញថាគ្មានផ្លូវដែលអាចបន្តលេងនៅទីនេះបានទៀតទេនោះខ្ញុំគិតថា គេមិននៅបន្តទៀតនោះទេ។ យ៉ាងណាទោះជាយ៉ាងណាក៏ដោយខ្ញុំធានាថាគេនឹងធ្វើគ្រប់យ៉ាងដែលអាចធ្វើទៅបានដើម្បីបង្ហាញថាគេជាកីឡាករឆ្នើមរបស់ Real Madrid "។

ចាប់តាំងពីផ្លាស់ចេញពី Chelsea មក Real Madrid ចាប់តាំងពីឆ្នាំ២០១៩មក Hazard ចូលលេងបាន ៦៥ប្រកួត និងស៊ុតចូល ៦គ្រាប់។ ខ្សែប្រយុទ្ធរូបនេះហាក់បីដូចជាមិនសូវជាជោគជ័យនៅក្លឹបនេះទេ ដោយកីឡាករនេះមានរបួសច្រើនដែលជាហេតុធ្វើឲ្យមិនសូវបានចូលលេងប្រកួតច្រើន៕

ប្រភព៖ Marca អត្ថបទ៖ សេរី មង្គល