/62332b25d5136_1647520500_medium.jpg)
- 2022-03-17 12:37:15
- បាល់ទាត់
Artetaថា មិនយុត្តិធម៌សម្រាប់ Arsenal នោះទេដែល PL បានដាក់កាលវិភាគប្រកួតញឹកពេកបែបនេះ
- 2022-03-17 12:37:15
- ចំនួនមតិ 0 | ចំនួនចែករំលែក 0
Artetaថា មិនយុត្តិធម៌សម្រាប់ Arsenal នោះទេដែល PL បានដាក់កាលវិភាគប្រកួតញឹកពេកបែបនេះ
ចន្លោះមិនឃើញ
លោក Mikel Arteta អ្នកចាត់ការក្លឹប Arsenal បាននិយាយក្រោយប្រកួតចាញ់នឹង Liverpool ២-០ ដោយបានសម្ដែងការមិនពេញខ្លាំងនឹង Premier League ដែលបានរៀបចំកាលវិភាគប្រកួតញឹកឲ្យក្រុមលោកបែបនេះ។
ក្នុងប្រកួតក្របខ័ណ្ឌ PL ក្រុមរបស់លោកទើបតែប្រកួតប៉ះនឹង Leicester City ក្នុងលទ្ធផលឈ្នះ ២-០ កាលពីថ្ងៃអាទិត្យ ទី១៣ ខែមីនា ឆ្នាំ២០២២កន្លងទៅ ហើយក៏ត្រូវប្រកួតនឹង Liverpool នៅក្នុងថ្ងៃនេះ បន្ទាប់មកនឹងប្រកួតប៉ះនឹង Aston Villa នៅថ្ងៃសៅរ៍ ទី១៩ ខែមីនា ឆ្នាំ២០២២ខាងមុខនេះទៀត។
ដោយសារតែកាលវិភាគញឹកបែបនេះពេកសម្រាប់ក្រុមលោក Arteta ក៏សម្ដែងការមិនពេញចិត្ត និងថាធ្វើបែបនេះគឺមិនយុត្តិធម៌សម្រាប់ Arsenal នោះទេ ព្រោះក្លឹបលោកនឹងជាអ្នករងផលប៉ះពាល់ធ្ងន់បំផុត។
យ៉ាងណា លោក Arteta ថាក្រុមលោកនឹងត្រៀមរួចរាល់ទៅលេងនឹងប៉ះ Aston Villa ខាងមុខនេះ ដោយបានបន្តនិយាយឌឺដងដាក់ PL ដោយថា អរគុណជាខ្លាំងសម្រាប់កាលវិភាគប្រកួតបែបនេះ។
Arsenal នៅខណៈនេះកំពុងឈរនៅចំណាត់ថ្នាក់ទី៤ ក្នុងការប្រកួត PL ដោយមាន ៥១ពិន្ទុ៕
