Arteta ឆ្លើយតបនឹង Aubameyang ក្រោយថា លោកជាបញ្ហាធ្វើឲ្យគេចេញពី Arsenal ទៅ Barca

2022-02-09 12:08:44
បាល់ទាត់

2022-02-09 12:08:44
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Mikel Arteta អ្នកចាត់ការក្លឹប Arsenal បាននិយាយថ្ងៃនេះក្នុងសន្និសីទកាសែតត្រៀមប្រកួតតទល់នឹង Wolves ឆ្លើយតបទៅកាន់ ខ្សែប្រយុទ្ធ Pierre-Emerick Aubameyang ដែលថាលោកជាបញ្ហាដែលធ្វើឲ្យគេចាកចេញពី Arsenal ទៅកាន់ Barcelona ។

លោក Arteta បាននិយាយថា៖" ខ្ញុំពិតជាពេញចិត្តខ្លាំងមែនទែននឹងអ្វីដែល Auba ធ្លាប់ធ្វើ និងជួយដល់ក្លឹបយើងជាច្រើនកន្លងមក។ អ្វីដែលខ្ញុំមើលឃើញខ្លួនខ្ញុំក្នុងទំនាក់ទនងរឿងរ៉ាវមួយនេះគឺជាដំណោះស្រាយ មិនមែនជាបញ្ហានោះទេ "។

ទាក់ទងនឹងរឿងរ៉ាវ Auba ថាលោកជាបញ្ហានាំឲ្យចាកចេញទៅ Barca មែនឬយ៉ាងណានោះ លោកឆ្លើយតបវិញថា៖" នេះជាគំនិតរបស់គេផ្ទាល់ខ្លួន យើងត្រូវតែគោរពនូវអ្វីដែលគេនិយាយ "។

សូមរំលឹកផងដែរថា Aubameyang ត្រូវបានដកចេញពីប្រធានក្រុម ក៏ដូចជាមិនឲ្យចូលក្នុងប្រកួតរហូតមកតាំងពីកំឡុងដើមខែធ្នូ ឆ្នាំ២០២១កន្លងទៅ ក្រោយលោក Arteta ដាក់ពិន័យដោយសារតែគេល្មើសវិន័យរឿងពេលវេលាមិនមកហ្វឹកហាត់តៀមប្រកួតឲ្យបានត្រឹមត្រូវ ដែលជាហេតុនាំឲ្យនៅខែមករាកន្លងទៅនេះ គេបានផ្ដាច់កុងត្រាជាមួយ Arsenal ផ្លាស់ទៅ Barca៕

ប្រភព៖ Goal អត្ថបទ៖ សេរី មង្គល