Aubameynagថា បញ្ហាជាមួយ Arteta ធ្វើឲ្យគេចាកចេញពី Arsenal ទៅ Barca

2022-02-04 11:58:44
បាល់ទាត់

2022-02-04 11:58:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Pierre-Emerick Aubameyang បាននិយាយត្រង់ៗនៅក្នុងកិច្ចសម្ភាសន៍ជាផ្លូវការនៅ Barcelona ក្នុងថ្ងៃនេះថា បញ្ហាជាមួយលោក Mikel Arteta នៅក្លឹប Arsenal ធ្វើឲ្យគេសម្រេចចិត្តចាកចេញពីក្លឹបហ្នឹង មក Barca នេះ។

Aubameyang បាននិយាយថា៖" និយាយទៅមានការលំបាកច្រើននៅហ្នឹងរាប់ខែហើយ ហើយនេះខ្ញុំគិតថាពេលខ្លះនៅបាល់ទាត់តែអញ្ចឹងឯង។ សម្រាប់ខ្ញុំផ្ទាល់ ខ្ញុំអត់ដែលចង់ធ្វើអីខុសម្ដងណានោះទេ តែខ្ញុំគិតថានេះអតីតកន្លងហួសទៅហើយ ខ្ញុំឥឡូវគិតពីរឿងបច្ចុប្បន្នវិញ នេះជាចម្លើយដែលខ្ញុំមកទីនេះ "។

កីឡាករនេះបន្តថា៖" ខ្ញុំគិតថានៅកាលនៅនោះបញ្ហាតែជាមួយលោក Arteta តែមួយទេ គាត់សម្រេចបែបហ្នឹងហើយ។ អញ្ចឹងខ្ញុំមិនអាចនិយាយអីបានទេ។ ហើយខ្ញុំក៏មិនពេញចិត្តតែម្ដង រឿងតែប៉ុណ្ណឹង។ រឿងកើតឡើងពីដើមដល់ចប់ ដែលឲ្យខ្ញុំសម្រេចចិត្តបែបនេះតែប៉ុណ្ណឹង។ ខ្ញុំមិនពេញចិត្តខ្លាំងតែម្ដង ហើយខ្ញុំក៏មិនមាត់អីដែរ ហើយរឿងក៏បានសម្រេចទៅជាបែបហ្នឹងតែម្ដង "។

Aubameyang ត្រូវបានដកពីប្រធានក្រុម Arsenal ក៏ដូចជាមិនបានដាក់ឲ្យចូលចាប់តាំងពីកំឡុងខែធ្នូ ឆ្នាំ២០២១ កន្លងមក ដោយសារតែលោក Arteta ថាគេធ្វើខុសវិន័យ យ៉ាងណាកាលពីពេលថ្មីៗនេះ គេក៏បានផ្ដាច់កុងត្រាជាមួយ Arsenal និងផ្លាស់មកលេងឲ្យ Barca ដែលមានកុងត្រារហូតដល់ឆ្នាំ២០២៥៕

ប្រភព៖ BBC | Goal ប្រែសម្រួល៖ ហ៊ីម រស្មី