/61fa67028083b_1643800320_medium.jpg)
- 2022-02-02 11:13:15
- បាល់ទាត់
ផ្លូវការ! Aubameyang ចុះកុងត្រាជាកីឡាករពេញសិទ្ធរបស់ Barcelona ហើយ
- 2022-02-02 11:13:15
- ចំនួនមតិ 0 | ចំនួនចែករំលែក 0
ផ្លូវការ! Aubameyang ចុះកុងត្រាជាកីឡាករពេញសិទ្ធរបស់ Barcelona ហើយ
ចន្លោះមិនឃើញ
ខ្សែប្រយុទ្ធ Pierre-Emerick Aubameyang បានចុះកុងត្រាជាកីឡាករពេញសិទ្ធរបស់ក្លឹប Barcelona ហើយក្រោយបញ្ចប់កុងត្រាជាមួយ Arsenal។ នេះបើយោងតាមការចុះផ្សាយក្លឹបអេស្ប៉ាញនេះផ្ទាល់អម្បាញ់មិញនេះ។
អតីតកីឡាករ Arsenal រូបនេះបានព្រមព្រៀងចុះកុងត្រាលេងឲ្យមួយ Barca រហូតដល់ថ្ងៃទី៣០ ខែមិថុនា ឆ្នាំ២០២៥ ជាមួយនឹងលក្ខខ័ណ្ឌអាចចាកចេញពីក្លឹបនេះបានចាប់ពីថ្ងៃទី៣០ ខែមិថុនា ឆ្នាំ២០២៣ខាងមុខ ជាមួយនឹងលក្ខខ័ណ្ឌថ្លៃទិញផ្ដាច់កុងត្រា (Buy Out Clause) ១១៣លានដុល្លារ។
យ៉ាងណាចំពោះថ្លៃពលកម្ម Aubameyang នៅ Barca មិនទាន់មានប្រភពមួយណាប្រាប់ច្បាស់លាស់នៅឡើយទេ ប៉ុន្តែកាលនៅ Arsenal កីឡាករនេះទទួលបានប្រាក់ពលកម្មជិត ៤៨ម៉ឺនដុល្លារឯណោះក្នុងមួយសប្ដាហ៍។
គួរបញ្ជាក់ផងដែរថា Aubameyang បានចាកចេញពី Arsenal ក្រោយមានរឿងមិនចុះសម្រុងជាមួយក្លឹបរហូតមក ចាប់តាំងពីកីឡាករនេះបានល្មើសវិន័យ និងត្រូវបានដកសិទ្ធិពីប្រធានក្រុម៕
