Carragher ថា អវត្តមាន Van Dijk មិនអាចប្រើជាលេសនៃការចាញ់របស់ Liverpool ឡើយ

2021-02-23 03:58:05
បាល់ទាត់

2021-02-23 03:58:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Jamie Carragher បានរិះគន់ចំពោះលទ្ធផលលេងរបស់អតីតក្រុមរបស់លោក Liverpool សម្រាប់ការបរាជ័យក្នុងផ្ទះ និងលើកឡើងថា ក្រុមមិនអាចយកអវត្តមានរបស់ Virgil van Dijk ធ្វើជាលេសបានឡើយ។

ហង្សក្រហមមិនចាញ់នៅ Anfield ក្នុងពាន Premier League ចាប់តាំងពីបរាជ័យចុងក្រោយដោយសារ Crystal Palace កាលពីខែ មេសា ឆ្នាំ ២០១៧។ យ៉ាងណាក្ដី បន្ទាប់ពីចូលឆ្នាំ២០២១ ក្រុមលោក Jurgen Klopp បានចាញ់ក្នុងដី៤ប្រកួតជាប់គ្នាដោយសារ Burnley, Brighton, Manchester City និង Everton។

សម្រាប់ការចាញ់ Evertonកាលពីថ្ងៃសៅរ៍ គេឃើញថា Liverpool បានចាញ់ក្នុងការប្រកួត Merseyside Derby ក្នុងដីខ្លួនឯងជាលើកដំបូងចាប់តាំងពីឆ្នាំ១៩៩៩។ ហើយក៏ជាការចាញ់៤ប្រកួតជាប់គ្នាក្នុងលីគជាលើកដំបូងផងដែរ ចាបតាំងពីឆ្នាំ១៩២៣។

និយាយក្នុងកម្មវិធីមួយលោក Carragher បានលើកឡើងថា បញ្ហារបស់ Liverpool រួមមានអវត្តមានខ្សែការពារកណ្ដាល និងខ្សែបម្រើការពារ។ ប៉ុន្តែវាមិនមានន័យថា ពួកគេមិនអាចឈ្នះការប្រកួតក្នុងផ្ទះទល់នឹង Everton, Brighton, Burnley និង West Brom ឡើយ។ មិនអាចឈ្នះ៦ប្រកួតក្នុងផ្ទះ ពិតជារឿងមិនអាចទទួលយកបាន។

ក្រុមត្រូវតែរកវិធីដើម្បីទទួលជ័យជម្នះវិញ។ លោកមិនចង់ប្រើការអវត្តមានរបស់ Van Dijk ជាលេសសម្រាប់ការចាញ់ឡើយ ព្រោះ Liverpool ចាប់ផ្ដើមការប្រកួតទល់ Everton ជាមួយកីឡាករ១០នាក់ដែលឈ្នះ Champions League៕