- 2020-07-07 11:00:06
- ព័ត៌មាន
Mourinho៖ ខ្ញុំសប្បាយចិត្តណាស់ ពេលឃើញ Son និង Lloris ប៉ះគ្នា
- 2020-07-07 11:00:06
- ចំនួនមតិ 0 | ចំនួនចែករំលែក 0
Mourinho៖ ខ្ញុំសប្បាយចិត្តណាស់ ពេលឃើញ Son និង Lloris ប៉ះគ្នា
ចន្លោះមិនឃើញ
លោក Jose Mourinho អ្នកចាត់ការក្លឹប Tottenham Hotspur បាននិយាយក្រោយពីចប់ការប្រកួតទល់នឹងក្លឹប Everton កាលពីយប់មិញនេះថា ការប៉ះគ្នារវាងខ្សែប្រយុទ្ធកូរ៉េខាងត្បូង Son Heung-Min និងអ្នកចាំទីបារាំង Hugo Lloris ជារឿងល្អណាស់ ដោយសារតែវាជួយធ្វើឲ្យក្រុមបោះជំហានទៅមុខ។
លោកបានលើកឡើងថា៖ " វាជារឿងល្អណាស់! វាអាចជាលទ្ធផលមកពីការប្រជុំរបស់យើង។ ខ្ញុំបានឲ្យពួកគេទាមទារច្រើនជាងនេះ ខ្ញុំចង់ឲ្យគេដាក់សម្ពាធលើមិត្តរួមក្រុម ឲ្យខំប្រឹង និងលះបង់ជួយក្រុមទាំងមូល " ។
លោកយល់ថា Son ជាកីឡាករលេងជាក្រុមហើយ តែប្រធានក្រុម Lloris គិតថាលេងប៉ុណ្ណឹងមិនទាន់គ្រប់គ្រាន់ទេ ដូច្នេះហើយ Son ត្រូវតែប្រឹងប្រែងរកផ្លូវផ្សេងបន្តទៀត។
លោកបានបន្ថែមថា៖ " ប៉ះគ្នាអញ្ចឹងមែន តែវាសំខាន់ណាស់សម្រាប់ក្រុមទាំងមូល សំខាន់ត្រង់ថាយើងចេះមើលគ្នាទៅវិញ ទៅមក។ ខ្ញុំបានប្រាប់ពួកគេនៅចប់តង់ទី១ថា ប្រសិនបើមានប្រតិកម្មបែបនេះទៀត ក្រុមទាំងមូលនឹងសាមគ្គីកាន់តែខ្លាំងរហូតដល់ទីបញ្ចប់ " ។
ទោះជាមានហេតុការណ៍នេះកើតឡើងក៏ដោយ Spurs នៅតែរក្សាលទ្ធផល ១-០ ពីតង់ទី១ រហូតដល់បញ្ចប់ការប្រកួត។ យ៉ាងណាមិញ ក្លឹបមានមូលដ្ឋាននៅរាជធានីឡុងដុងមួយនេះ កំពុងឈរចំណាត់ថ្នាក់លេខ ៨៕
អានបន្ត៖ Son និង Hugo Lloris ប៉ះទង្គិចគ្នាមួយប្រាវក្នុងការប្រកួតរបស់ Spurs