- 2020-07-02 07:57:11
- បាល់ទាត់
Aubameyang បំបែកបានកំណត់ត្រាមួយរបស់ Henry នៅ Arsenal
- 2020-07-02 07:57:11
- ចំនួនមតិ 0 | ចំនួនចែករំលែក 0
Aubameyang បំបែកបានកំណត់ត្រាមួយរបស់ Henry នៅ Arsenal
ចន្លោះមិនឃើញ
Pierre-Emerick Aubameyang បំបែកបានកំណត់ត្រាមួយរបស់វីរបុរស Arsenal លោក Thierry Henry ពេលដែលគេទាត់ចូលគ្រាប់បើកឆាឲ្យក្រុមឈ្នះ Norwich City ៤-០ កាលពីយប់មិញ។
កីឡាករសញ្ជាតិហ្គាបុងបានព្យាយាមឆាបបាល់ពីអ្នកចាំរបស់ Norwich កីឡាករ Time Krul រួចទាត់បញ្ចូលទីស្រួលៗ។ វាគឺជាគ្រាប់បាល់ទី៥០របស់គេនៅ Premier League សម្រាប់ Arsenal ក្នុងការបង្ហាញខ្លួនត្រឹម៧៥ប្រកួត ចាប់តាំងផ្ទេរក្នុងតម្លៃកំណត់ត្រា៥៦លានផោនពីក្រុម Borussia Dortmund នៅឆ្នាំ២០១៨។
នេះក៏ជាការបំបែកបានកំណត់ត្រារបស់ Henry ក្នុងការរកគ្រាប់បាល់បាន៥០គ្រាប់លឿនបំផុតនៅ Arsenal។ Henry បានចំណាយពេលដល់៨៣ប្រកួតឯណោះទើបបាន៥០គ្រាប់។ ក្រោយចប់ការប្រកួត Aubameyang បានប្រាប់សារព័ត៌មានថា គេពិតជាមោទនភាពខ្លាំងណាស់។ ក្រុមទាំងមូលធ្វើការបានល្អនិងសមទទួលបានជ័យជម្នះ៕
