ពិតឬអត់ បើលីគអង់គ្លេសរំសាយពានគួរឲ្យទៅ Man Utd ដែលធ្លាប់ឈ្នះច្រើនជាងគេ?

2020-03-23 08:50:33
បាល់ទាត់

2020-03-23 08:50:33
ចំនួនមតិ 0 | ចំនួនចែករំលែក 0

ចន្លោះមិនឃើញ

Premier League កំពុងជាប់គាំងមិនអាចធ្វើការប្រកួតតទៅទៀតបាន នឹងត្រូវរង់ចាំរហូតដល់ចុងខែមេសា ឬដើមខែឧសភាទើប FA ធ្វើការប្រជុំសារជាថ្មីថាតើគួរចាត់វិធានការបែបណា។

មានសេណារីយ៉ូជាច្រើនត្រូវគេលើកយកមកពិចារណាពីលទ្ធភាពបញ្ចប់រដូវកាលរបស់ Premier League ដែលមានដូចជា លេងបិទទ្វារមិនឲ្យមានអ្នកគាំទ្រ, រំសាយលីគចោល ឬឲ្យពានទៅ Liverpool ដែលដាច់ក្រុមលេខពីរចំនួន២៥ពិន្ទុនោះជាដើម។

យ៉ាងណាសេណារីយ៉ូឲ្យពានស្វ័យប្រវត្តិនោះត្រូវប្រមុខ UEFA អះអាងថាមិនអាចកើតឡើងបានទេ ព្រោះការប្រកួតមិនបានចប់ត្រឹមត្រូវតាមលក្ខណៈ។ ភ្លាមនោះក៏មានការលើកឡើងពីអ្នកគាំទ្រ Manchester United មួយក្រុមនៅបរទេសថាពានគួរតែបានទៅពួកគេ បើសិនលីគរំសាយមែន។

ទំព័រអ្នកគាំទ្រ Man Utd HQ ហៅកាត់ UTFR បានសរសេរថា ការប្រគល់ពានឲ្យ United គឺជារឿងសមហេតុផលបំផុតព្រោះបិសាចក្រហមគឺជាក្រុមដែលឈ្នះពានអង់គ្លេសច្រើនជាងគេចំនួន២០ដង ខណៈ Liverpool ឈ្នះត្រឹម១៨ដងប៉ុណ្ណោះ។

ទោះយ៉ាងនេះក្ដីវាគ្រាន់តែជាការគិតរបស់ក្រុមអ្នកគាំទ្ររបស់ United ប៉ុណ្ណោះ ហើយការពិតជាក់ស្ដែងយ៉ាងណានោះយើងត្រូវរង់ចាំសេចក្ដីសម្រេចរបស់ FA ជាបន្ត៕

ប្រភព៖ Twitter អត្ថបទ៖ សៀនហួរ