- 2018-06-20 12:55:55
- បាល់ទាត់
Isco ប្រកាសឈប់និយាយរក Ronaldo ទៀតហើយ!
- 2018-06-20 12:55:55
- ចំនួនមតិ 0 | ចំនួនចែករំលែក 0
Isco ប្រកាសឈប់និយាយរក Ronaldo ទៀតហើយ!
ចន្លោះមិនឃើញ
ខ្សែបម្រើ Isco ក្នុងថ្ងៃនេះ បាននិយាយក្នុងន័យកំប្លែងថា ខ្លួននឹងឈប់និយាយរក មិត្តរួមក្រុម Real Madrid ខ្សែប្រយុទ្ធ Real Madrid ក្រោយកីឡាករព័រទុយហ្គាល់ស៊ុតចូល ៣ គ្រាប់កាលពីប្រកួត World Cup ប៉ះអេស្ប៉ាញថ្ងៃសៅរ៍កន្លងទៅ។
Isco ត្រូវបានអ្នកសារព័ត៌មានសួរថា តើយល់យ៉ាងណា ចំពោះទម្រង់លេង Ronaldo កាលពីពេលប៉ះអេស្ប៉ាញថ្ងៃមុន។ ខ្សែបម្រើអេស្ប៉ាញបានឆ្លើយថា៖ "កុំនិយាយខ្ញុំជាមួយរឿង Ronaldo! ខ្ញុំនឹងមិននិយាយរកគេទៀតទេ បន្ទាប់ពីអ្វីដែលគេធ្វើមកលើអេស្ប៉ាញកាលពីថ្ងៃមុន"។
ក្រោយនិយាយបែបនេះ ខ្សែបម្រើ Isco បានលើកឡើងទៀតថា៖ "ក្នុងប្រកួតនោះ Ronaldo មិនសូវមានឱកាសស៊ុតច្រើននោះទេ ប៉ុន្តែគេពិតជាមានទម្រង់ស៊ុតល្អណាស់។ ២ គ្រាប់ដំបូងរបស់គេ ជួយឲ្យគេមានជំនឿចិត្តក្នុងការបន្តរកគ្រាប់បាល់ទៀត។ ទីបំផុតគេសម្រេចបាន Hat-trick"។
សូមបញ្ជាក់ផងដែរថា កាលពីប្រកួតអេស្ប៉ាញ-ព័រទុយហ្គាល់កន្លងទៅ Cristiano Ronaldo រកបាន ៣ គ្រាប់ម្នាក់ឯង ជួយឲ្យជម្រើសជាតិខ្លួន ស្មើជាមួយអេស្ប៉ាញក្នុងលទ្ធផល ៣-៣។
ព័រទុយហ្គាល់កំពុងប្រកួតជាមួយក្រុមជម្រើសជាតិម៉ារ៉ុក ខណៈអេស្ប៉ាញ នឹងត្រូវប៉ះអ៊ីរ៉ង់នាវេលា ១ រំលងអាធ្រាត្រយប់នេះ (ម៉ោងនៅកម្ពុជា)៕
