Eden Hazard៖ រដូវកាលនេះអាក្រក់ រដូវកាលក្រោយ ចាំវាយតម្លៃខ្ញុំ

2020-03-26 05:38:08
បាល់ទាត់

2020-03-26 05:38:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយធ្វើមិនសូវបានល្អនៅក្លឹប Real Madrid ខ្សែប្រយុទ្ធ Eden Hazard បង្ហើបថា វាជាពេលវេលាសម្របខ្លួនជាមួយក្រុមស្ដេច-ស ហើយសង្ឃឹមសាងប្រជាប្រិយភាពមកវិញនៅរដូវកាលក្រោយ។

កីឡាករវ៧យ២៩ឆ្នាំ បានយល់ព្រមមកលេងទឹកដីអេស្ប៉ាញ កាលពីខែមិថុនាឆ្នាំមុន ក្រោយឈ្នះពាន៧នៅ Chelsea រួមមាន Premier Leagues ២ដង Europa League ២ដង PFA Players និង Player of the Year award ជាដើម។

យ៉ាងណានៅជាមួយក្លឹបថ្មី Real Madrid ពិតជាមានការប្រកួតប្រជែងខ្លាំងសម្រាប់ Hazard ដែលទើបរកបាន ១ គ្រាប់ប៉ុណ្ណោះ ក្នុងការបង្ហាញខ្លួន១០លើក នៅលីគកំពូលអេស្ប៉ាញ Laliga មុនរបួសកជើងកាលពីខែមុន។

កីឡាករជម្រើសជាតិបែលហ្សិក Hazard ថាលំបាកណាស់សម្រាប់គេ ក្នុងការសម្របខ្លួនជាមួយ Real Madrid បើទោះបីដឹងថាគេត្រូវយកឈ្នះការរិះគន់ទាំងឡាយ។

អតីតខ្សែប្រយុទ្ធ Chelsea បានឱ្យដឹងក្នុងកិច្ចសម្ភាសន៍ជាមួយ RTBF ថា ៖«រដូវកាលដំបូងរបស់ខ្ញុំនៅ Real Madrid ពិតជាអាក្រក់ ប៉ុន្តែមិនអាក្រក់ទាំងអស់ទេ វាជារដូវកាលសម្របខ្លួន។ រដូវកាលក្រោយចាំវាយតម្លៃខ្ញុំ។ វាជាក្រុមមួយដ៏អស្ចារ្យ ខ្ញុំបានជួបមនុស្សថ្មីជាច្រើន។ វាជាបទពិសោធន៍ដ៏ល្អសម្រាប់ខ្ញុំ។ ខ្ញុំនៅសល់៤ឆ្នាំទៀត ខ្ញុំសង្ឃឹមខ្ញុំនឹងធ្វើបានល្អ»។

Eden Hazard បានទទួលការវះកាត់រួចហើយកាលពីសប្ដាហ៍មុន ក្នុងទីក្រុង Dallas ហើយខ្សែប្រយុទ្ធរូបនេះ រំពឹងអាចនឹងជាទាន់ និងតំណាងឱ្យបែលហ្សិកក្នុងព្រឹត្តិការណ៍ Euro 2020៕

ប្រភព៖ Fox Sports Asia ប្រែសម្រួល៖ អ៊ុំ សុភក្តិ