ជនដៃដល់បាញ់ថ្នាំសរសេរឃ្លា 'Pogba Out' នៅកន្លែងហាត់របស់ Man Utd

2019-08-28 12:54:02
ព័ត៌មាន

2019-08-28 12:54:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ជនមិនស្គាល់មុខ បានបាញ់ថ្នាំដែលសរសេរថា " Pogba ចាកចេញទៅ (Pogba Out) '' នៅស្លាកសញ្ញាថ្មីនៅក្បែរកន្លែងហ្វឹកហាត់របស់ក្រុម Manchester United ដែលហាមមិនឲ្យកីឡាករចុះហត្ថលេខាឲ្យអ្នកគាំទ្រ ដោយសារខ្លាចមានគ្រោះថ្នាក់លើផ្លូវ។

ស្លាកថ្មីនេះត្រូវបានដាក់ឡើង ក្រោយពីមានអ្នកគាំទ្រច្រើនឡើងៗ សម្រុកទៅកាន់កន្លែងហ្វឹកហាត់របស់ក្លឹប។

មិនមានការចេញបញ្ជាក់ពីហេតុផលក្រោយការបាញ់ថ្នាំសរសេរឃ្លាបែបនេះទេ។ បើតាមសារព័ត៌មាន The Sun បានឲ្យដឹងថា ការបាញ់ថ្នាំនេះ បង្ហាញពីការរើសអើងទៅលើខ្សែបម្រើបារាំង Paul Pogba។

ចំពោះករណីរើសអើងពណ៌សម្បុរនេះ ខាងក្លឹប ក៏ដូចជាមិត្តរួមក្រុមរបស់ Pogba បានបង្ហាញពីការគាំទ្រយ៉ាងពេញទំហឹងទៅលើកីឡាកររូបនេះ ប្រយុទ្ធប្រឆាំងនឹងពាក្យប្រមាថនៅលើបណ្ដាញសង្គម។

ផ្ទុយទៅវិញបើតាមសារព័ត៌មាន Goal បានឲ្យដឹងថា ទង្វើបែបនេះបង្ហាញពីការខឹងសម្បាររបស់អ្នកគាំទ្ររបស់ក្លឹប ដែលចង់ឲ្យ Pogba ចេញពីក្លឹប ក្រោយពីលេចឮពាក្យចចាមអារ៉ាមជាច្រើន៕

ប្រភព៖ The Sun | Goal ប្រែសម្រួល៖ ហ៊ីម រស្មី