Man Utd ជាប់ជាក្លឹបដែលទទួលបានការផ្ដល់បាល់ប៉េណាល់ទីច្រើនជាងគេក្នុង PL នៅរដូវកាលនេះ

2019-04-15 11:00:00
បាល់ទាត់

2019-04-15 11:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីខ្សែបម្រើបារាំងកីឡាករ Paul Pogba ស៊ុតបាល់ពិន័យ ១១ម៉ែត្រ ២គ្រាប់ ក្នុងប្រកួតប៉ះនឹង West Ham កាលពីយប់ថ្ងៃសៅរ៍ ក្លឹប Manchester United ក្លាយជាក្លឹបដែលទទួលបានការផ្ដល់បាល់ពិន័យ ១១ម៉ែត្រច្រើនជាងគេ នៅក្របខ័ណ្ឌ Premier League ក្នុងរដូវកាលនេះ។

ក្លឹបដែលមានរហស្សនាមបិសាចក្រហមមួយនេះ មានឱកាសស៊ុតបាល់ពិន័យ ១១ម៉ែត្របាន ១២លើក តាមពីក្រោយដោយក្លឹប Crystal Palace ដែលទទួលបានឱកាសស៊ុត ១១លើក។

យ៉ាងណាមិញ ក្នុងចំណោម ១២ដងនោះ ក្លឹប Manchester United ស៊ុតចូលបានតែ ៩ដងទេ ខណៈក្លឹប Crystal Palace ស៊ុតចូលបាន ១០ដង ក្នុងចំណោមការផ្ដល់បាល់ប៉េណាល់ទី ១១ដង។

គ្រាប់បាល់ប៉េណាល់ទីទាំង ៩គ្រាប់នោះ រកបានដោយខ្សែបម្រើ Paul Pogba ចំនួន ៧ដង ហើយ ២ដងទៀត រកបានដោយ ខ្សែប្រយុទ្ធបារាំងកីឡាករ Anthony Martial និងខ្សែស្លាបអង់គ្លេសកីឡាករ Jesse Lingard។ ក្រៅពីស៊ុតចូលបាល់ ១១ម៉ែត្រច្រើនជាង Pogba ក៏ជាអ្នកខកខានស៊ុតបាល់ប៉េណាល់ទីទាំង ៣ដងនោះដែរ។

សូមបញ្ជាក់ផងដែរថា ក្លឹប Manchester United កំពុងឈរចំណាត់ថ្នាក់លេខ ៥ ដោយលេងបាន ៣៣ប្រកួត និងមាន ៦៤ពិន្ទុ ខណៈក្លឹប Chelsea លេងបាន ៣៤ប្រកួត នៅឈរលេខ ៤ និងមាន ៦៦ពិន្ទុ រីឯ Arsenal វិញនៅលេខ ៦ តែលេងបានតែ ៣២ប្រកួត និងមាន ៦៣ពិន្ទុ៕

អានបន្ត៖

មកស្គាល់ក្លឹបអង់គ្លេសទាំងអស់ដែលធ្លាប់ឈ្នះពាន Europa League

ក្នុង PL មានតែ Arsenal ទេដែលមិនទាន់ស្គាល់ជាតិ Clean Sheet នៅក្រៅដី

មានតែ ៦ក្លឹបទេ ដែលមិនធ្លាប់កាត់ចេញពីលីគកំពូលតាំងពីបង្កើត PL មក

ប្រភព៖ Premier League | transfermarkt អត្ថបទ៖ សេរី មង្គល