- 2017-04-05 03:37:20
- វិភាគ
គ្រូទ័ព លើកចំណុចខ្លាំង និងខ្សោយពីខ្សែបម្រើ២រូបដែលលោកពេញចិត្តជាងគេនៅកម្ពុជា
- 2017-04-05 03:37:20
- ចំនួនមតិ 0 | ចំនួនចែករំលែក 0
គ្រូទ័ព លើកចំណុចខ្លាំង និងខ្សោយពីខ្សែបម្រើ២រូបដែលលោកពេញចិត្តជាងគេនៅកម្ពុជា
ចន្លោះមិនឃើញ
លោក ទេព ឡុងរចនា គ្រូបង្វឹកក្រុមក្រសួងការពារជាតិ(ទ័ព)លើកចំណុចល្អ និងខ្សោយពីខ្សែបម្រើ២រូបដែលលោកគិតថា ល្អជាងគេនៅកម្ពុជាគឺ ទិត្យ ឌីណា និង ច្រឹង ពលរដ្ឋ ។
ច្រឹង ពលរដ្ឋ
១-ចំណុចខ្លាំង
- សមត្ថភាពបោះបាល់ពីកន្លែងចង្អៀតទៅកន្លែងទូលាយ
- កាត់ផ្ដាច់ចង្វាក់ប្រយុទ្ធរបស់ដៃគូ
២-ចំណុចខ្សោយ
- គ្រប់គ្រងបាល់យូរពេក
ទិត្យ ឌីណា
១-ចំណុចល្អ
- ចោះបាល់សម្លាប់បានល្អ
២-ចំណុចខ្សោយ
គ្រូបង្វឹករូបនេះបានឲ្យដឹងថា គ្រប់កីឡាករដែលលេងនៅតំបន់បម្រើកណ្ដាលសម្រាប់កីឡាករជម្រើសជាតិតាមការមើលឃើញរបស់លោក បច្ចុប្បន្នមានខ្សែបម្រើចំនួនពីររូបខាងលើនេះល្អជាងគេក្នុងប្រទេសកម្ពុជា។ ចំណុចល្អរបស់ពួកគេមានដូចការរៀបរាប់ខាងលើ ប៉ុន្តែក៏មានចំណុចខ្សោយរៀងៗខ្លួនផងដែរ។
សម្រាប់ ច្រឹង ពលរដ្ឋ លោកមើលឃើញចំណុចខ្សោយមួយដែលលោកតែងកែប្រែជាប្រចាំគឺការគ្រប់គ្រងបាល់យូរពេក ជាពិសេសនៅពេលមានឱកាសវាយបក។ ពលរដ្ឋ តែងព្យាយាមគ្រប់គ្រងបាល់យូរ ដែលធ្វើឲ្យការវាយបកត្រូវបានហាក់ខាន។
ចំណែក ទិត្យ ឌីណា វិញលោកលើកឡើងថា កីឡាកររូបនេះមានជំនាញពិសេសគឺបញ្ជូនបាល់ចោះឲ្យមិត្តរួមក្រុមសម្លាប់ ឬបង្កើតឱកាសបានល្អ និងទាត់សំដៅទីចំគោលដៅល្អ។ ប៉ុន្តែចំណុចខ្សោយដែលលោកមើលឃើញចំពោះ ឌីណា គឺតែងបញ្ជូនបាល់ទៅមិត្តរួមក្រុមមិនឲ្យមិត្តរួចក្រុមដឹងខ្លួនជាមុនដែលធ្វើខូចបាល់។
ទិត្យ ឌីណា ជាខ្សែបម្រើរបស់ក្លឹបប៉ូលិស ខណៈ ច្រឹង ពលរដ្ឋ ជាខ្សែបម្រើរបស់ក្លឹបក្រសួងការពារជាតិ ដែលពួកគេទាំងពីរជាកីឡាករដ៏សំខាន់ក្នុងក្រុមរៀងៗខ្លួន និងជាខ្សែបម្រើដែលតែងជាប់ឈ្មោះក្នុងបញ្ជីជម្រើសជាតិកម្ពុជាផងដែរ៕
