- 2016-08-09 15:42:26
- ព័ត៌មាន
យប់នេះប្រុសស្អាត ពូ សុវិជ្ជា ប្រកួតនៅអូឡាំពិកផ្នែកកីឡាហែលទឹក
- 2016-08-09 15:42:26
- ចំនួនមតិ 0 | ចំនួនចែករំលែក 0
យប់នេះប្រុសស្អាត ពូ សុវិជ្ជា ប្រកួតនៅអូឡាំពិកផ្នែកកីឡាហែលទឹក
ចន្លោះមិនឃើញ
ការប្រកួតព្រឹត្តិការណ៍កីឡាអូឡាំពិកនៅប្រទេសប្រេស៊ីលនាទីក្រុង Rio ម៉ោង១១:០០នាទីយប់(ម៉ោងនៅកម្ពុជា) ថ្ងៃទី៩ ខែសីហា ឆ្នាំ២០១៦ កីឡាករហែលទឹកជម្រើសជាតិកម្ពុជា ពូ សុវិជ្ជា នឹងប្រកួតលើវិញ្ញាសា ១០០ម៉ែត្រហែលបែបសេរី។
តាមការឲ្យដឹងពីឯកឧត្ដម វ៉ាត់ ចំរើន មកពីទីក្រុង Rio ប្រទេសប្រេស៊ីលថា ថ្ងៃនេះវេលាម៉ោង ១រសៀលនៅប្រទេសប្រេស៊ីល ( ម៉ោង១១:០០យប់នៅកម្ពុជា) កីឡាករហែលទឹកជម្រើសជាតិកម្ពុជា ពូ សុវិជ្ជា នឹងធ្វើការប្រកួតហើយ។ នេះជាការប្រកួតលើប្រភេទកីឡាដំបូងរបស់កម្ពុជា បន្ទាប់ពីព្រឹត្តិការណ៍អូឡាំពិកបានប្រព្រឹត្តទៅរយៈពេលប៉ុន្មានថ្ងៃហើយ។ ឯកឧត្ដមអគ្គលេខាធិការ និងក្រុមកីឡាកម្ពុជានៅប្រទេសប្រេស៊ីលទាំងអស់ នឹងទៅចូលរួមលើកទឹកចិត្តផងដែរ។
កម្ពុជាមានកីឡាករ-កីឡាការិនីចូលរួមប្រកួតព្រឹត្តិការណ៍កីឡាអូឡាំពិកនៅប្រេស៊ីលនេះចំនួន ៦នាក់គឺប្រកួតកីឡាហែលទឹកមានកីឡាករ ពូ សុវិជ្ជា និង ហែមថុន វិទីនី។ កីឡារត់ប្រណាំងម៉ាតុងកីឡាការិនី លី ណារី និងកីឡាករ Neko កីឡាតេក្វាន់ដូមានកីឡាការិនី ស៊ន សៀវម៉ី និងកីឡាចំបាប់កីឡាការិនី ចូវ សុធារ៉ា៕
អត្ថបទ៖ ស្រី សុវណ្ណដារ៉ា
