- 2016-03-30 17:18:13
- បាល់ទាត់
KMH All Stars ប៉ះជម្រើសជាតិកម្ពុជានៅខែឧសភាខាងមុខ
- 2016-03-30 17:18:13
- ចំនួនមតិ 0 | ចំនួនចែករំលែក 0
KMH All Stars ប៉ះជម្រើសជាតិកម្ពុជានៅខែឧសភាខាងមុខ
ចន្លោះមិនឃើញ
ក្រុម KMH All Stars (កីឡាករលេងនៅពាន KMH Champions League) នឹងធ្វើការប្រកួតលក្ខណៈមិត្តភាពមួយនៅខែឧសភាខាងមុខនេះជាមួយក្រុមជម្រើសជាតិកម្ពុជា (មិនទាន់ប្រាកដឈុតធំ ឬ U23) ។
លោក សៀក សុវណ្ណ អ្នកសម្របសម្រួលការប្រកួតពានរង្វាន់ KMH Champions League បានបញ្ជាក់ថាការប្រកួតនេះគឺធ្វើឡើងក្នុងគោលបំណងលើកស្ទួយវិស័យកីឡាក្នុងប្រទេសកម្ពុជា ក៏ដូចជាដើម្បីបង្ហាញពីសមត្ថភាពកីឡាករមិនអាជីពមួយចំនួនដែលមានទេពកោសល្យ ប៉ុន្តែមិនមានឱកាសបង្ហាញខ្លួន។ លើសពីនេះទៅទៀត វាក៏អាចជាការងារសង្គមមួយដែរ ដោយអាចប្រមូលបានថវិកាខ្លះដើម្បីជួយដល់អង្គការ ឬស្ថាប័នផ្សេងៗ ដើម្បីជួយអភិវឌ្ឍសង្គម។
ងាកទៅខាងកីឡាកររបស់ក្រុម KMH All Stars វិញ គឺជ្រើសរើសចេញពីកីឡាករទាំង៣២ក្រុមដែលលេងនៅពានរង្វាន់ KMH Champions League ដោយមួយក្រុមយក៣នាក់ ហើយធ្វើការហ្វឹកហាត់នៅថ្ងៃទី៥ខែមេសាខាងមុខនេះទៅ ដើម្បីធ្វើការជម្រុះយកយកតែ៣២នាក់ ជាក្រុមតំណាងឱ្យ KMH All Stars ៕
អត្ថបទ៖ មុន្នី រម្យ
