/66c48e2a3894c_1724157480_medium.png)
- 2024-08-20 12:42:23
- បាល់ទាត់
Man City ពេញចិត្តនឹងទិញយក Gundogan ពី Barca វិញ
- 2024-08-20 12:42:23
- ចំនួនមតិ 0 | ចំនួនចែករំលែក 0
Man City ពេញចិត្តនឹងទិញយក Gundogan ពី Barca វិញ
ចន្លោះមិនឃើញ
ក្លឹប Manchester City ពេញចិត្តនឹងទិញយក ខ្សែបម្រើ Ilkay Gundogan ពីក្លឹប Barcelona វិញសម្រាប់រដូវកាលថ្មីឆ្នាំ២០២៤/២៥ខាងមុខនេះ។
បើតាម Fabrizio Romano បានឲ្យដឹងថា លោក Pep Guardiola បានយល់ព្រមរួចរាល់ហើយក្នុងការនាំយកកីឡាករនេះមកវិញ ដោយការសម្រេចចិត្តគឺស្ថិតនៅលើកីឡាករនេះតែម្ដង។
នៅក្នុងពេលនេះ Barcelona ចង់ឲ្យកីឡាករនេះរូបនេះចាកចេញពីក្លឹបរបស់ខ្លួន ក្រោយលេងបាន១រដូវកាលប៉ុណ្ណោះ ដូច្នេះហើយនៅពេលនេះមានក្លឹបជាច្រើនចរចាចង់បានពី Barca ផងដែរ។
នៅក្នុងនោះ Man City ក៏បានបើកការចរចាកាលពីម្សិលមិញផងដែរ ប៉ុន្តែកីឡាករនេះមានជម្រើសច្រើន ដោយក្លឹបផ្សេងៗមកកាតា អារ៉ាប៊ីសាអ៊ូឌីត និងក្លឹបផ្សេងៗទៀតក៏ចង់បានកីឡាកររូបនេះ។
ដូច្នេះការសម្រេចចិត្តផ្លាស់ទៅណាឲ្យប្រាកដនោះគឺស្ថិតនៅលើ Gundogan នេះតែម្ដង។
យ៉ាងណាចំពោះ Man City គឺស្វាគមន៍ជានិច្ចឲ្យកីឡាករនេះចង់ត្រលប់ទៅវិញព្រោះតែ កីឡាករនេះធ្លាប់ជាកីឡាកររបស់ Man City កាលពីឆ្នាំ២០១៦ រហូតមកដល់ឆ្នាំ២០២៣ ដោយចូលលេងបាន ៣០៤លើក និងស៊ុតចូល ៦០គ្រាប់។
ខណៈពេលមកលេងឲ្យ Barca បាន១រដូវកាលនេះ កីឡាករនេះចូលលេងបាន ៥១ប្រកួត និងស៊ុតចូល ៥គ្រាប់៕
