- 2023-10-30 08:36:31
- កីឡាផ្សេងៗ
យ៉ា ថុលរ៉ាដែត៖ ខ្ញុំពិកា ប៉ុន្តែសប្បាយចិត្តដែលគេផ្ដល់ឱកាសបានប្រកួតជាមួយអ្នកធម្មតាដូចគេឯង
- 2023-10-30 08:36:31
- ចំនួនមតិ 0 | ចំនួនចែករំលែក 0
យ៉ា ថុលរ៉ាដែត៖ ខ្ញុំពិកា ប៉ុន្តែសប្បាយចិត្តដែលគេផ្ដល់ឱកាសបានប្រកួតជាមួយអ្នកធម្មតាដូចគេឯង
ចន្លោះមិនឃើញ
យុវជន យ៉ា ថុលរ៉ាដែត បង្ហាញអារម្មណ៍សប្បាយរីករាយជាខ្លាំងដែលបានចូលរួមក្នុង «ព្រឹត្តិការណ៍ប្រណាំងកង់ និងរត់ពាក់កណ្ដាលម៉ារ៉ាតុងប្រចាំឆ្នាំ លើកទី៨ នៅលើភ្នំបូកគោ» ដូចគេឯងដោយមិនរើសអើងជនមានពិការភាព។
យ៉ា ថុលរ៉ាដែត បានឲ្យដឹងថា «ព្រឹត្តិការណ៍ប្រណាំងកង់ និងរត់ពាក់កណ្ដាលម៉ារ៉ាតុង» គឺខ្លួនលេងលើវិញ្ញាសារត់ ១០គីឡូម៉ែត្រ។ នេះក៏ជាលើកទី៥ ហើយដែលបានចូលរួមក្នុងចលនាកីឡាបែបសប្បុរសធម៌ក្នុងខេត្តកំពត។ យុវជនរូបនេះមានចិត្តសប្បាយរីករាយជាខ្លាំងដែលបានចូលរួមជាថ្មីនៅឆ្នាំនេះ។ អ្វីដែលរឹតតែសប្បាយចិត្តជាងនេះទៅទៀតនោះគឺបានបង្ហាញពីសមត្ថភាព បង្ហាញពីភាពក្លាហានបើទោះជាខ្លួនមានពិការភាពក៏ដោយ។
យុវជនខាងលើនេះថ្លែងអំណរគុណជាខ្លាំងចំពោះការផ្ដល់ឱកាសដល់ជនមានពិការភាពឲ្យបានចូលរួមប្រកួតប្រជែងជាមួយអ្នកដទៃដែលមានកាយសម្បទាធម្មតាដូចគេឯងមិនមានជាការរើសអើងជាដើម។ មួយវិញទៀត ថុលរ៉ាដែត លើកទឹកចិត្តដល់ជនមានពិការភាពដទៃទៀតកុំអស់សង្ឃឹម កុំខ្មាសគេ កុំគិតថាខ្លួនមិនអាចធ្វើអ្វីបាន ឬគិតថាលុះត្រាមាន ដៃ ជើង កាយសម្បទាគ្រប់គ្រាន់បានចាប់ផ្ដើមធ្វើនោះ។ បើចង់ធ្វើអ្វី មានក្ដីស្រមៃអ្វីសូមចាប់ផ្ដើមធ្វើទៅនៅពេលខ្លះខ្លួនឯងធ្វើបាន ប៉ុន្តែអាចមកពីគិតថាខ្មាសគេដូច្នេះត្រូវតែក្លាហានព្យាយាមបញ្ចេញសមត្ថភាព។
រំលឹកដែរថា «ព្រឹត្តិការណ៍ប្រណាំងកង់ និងរត់ពាក់កណ្ដាលម៉ារ៉ាតុងប្រចាំឆ្នាំ លើកទី៨ នៅលើភ្នំបូកគោ»មានអ្នកចូលរួមសរុប ៨៩៧នាក់។ ផ្នែកម៉ារ៉ាតុងចំនួន ៧៣៥នាក់ និងប្រណាំងកង់ចំនួន ១៦២នាក់។ ការប្រកួតនេះធ្វើឡើងកាលពីថ្ងៃទី២៨-២៩ ខែតុលា ឆ្នាំ២០២៣ នៅលើភ្នំបូកគោ៕
