Ralf Rangnick ទាត់ចោលសំណើ Bayern សុខចិត្តនៅបន្តដឹកនាំអូទ្រីស

2024-05-02 11:52:26
បាល់ទាត់

2024-05-02 11:52:26
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ralf Rangnick បានបដិសេធសំណើរបស់ក្លឹប Bayern Munich ក្នុងការស្នើសុំឲ្យធ្វើជាគ្រូបង្គោលថ្មីសម្រាប់ក្លឹបនេះក្នុងរដូវកាលថ្មីខាងមុខនេះតទៅ។

លោក Rangnick សម្រេចជ្រើសរើសបន្តដឹកនាំក្រុមជម្រើសអូទ្រីសដោយលើកឡើងលោកពេញចិត្តនឹងធ្វើជាគ្រូបង្គោលនៅទីនេះទាំងម្ដង ដោយនៅក្នុងពេលនេះកំពុងខិតខំក្នុងការប្រកួត Euros។

លោកក៏បន្ថែមផងដែរថានេះមិនមែនជាការបដិសេធទៅកាន់ក្លឹប Bayern Munich នោះតែនេះជាការសម្រេចចិត្តផ្ទាល់ខ្លួនរបស់លោក ដើម្បីបម្រើដល់ផលប្រយោជន៍ក្រុមដែលលោកកំពុងតែដឹកនាំ។

បើប្រភពជាច្រើនបានឲ្យដឹងថា តំណែងជាគ្រូបង្គោលថ្មីក្លឹប Bayern Munich នេះគឺឲ្យតែ លោក Rangnick ឆ្លើយព្រមភ្លាមគឺតំណែងនោះត្រៀមសម្រាប់លោកតែម្ដង តែលោកមិនព្រមដោយសារតែហេតុផលផ្ទាល់ខ្លួនបែបនេះ។

បេក្ខជនដែល Bayern ចង់បានមកធ្វើជាគ្រូបង្គោលក្លឹបថ្មីនេះគឺត្រូវបានបេក្ខជន៣រូប បានបដិសេធគឺលោក Xabi Alonso, លោក Nagelsmann និងលោក Rangnick។ នៅខណៈនេះ Bayern កំពុងស្វែងបេក្ខជនថ្មីដើម្បីជំនួស Thomas Tuchel ចាប់ពីរដូវកាលខាងមុខនេះតទៅ៕

ប្រភព៖ Fabrizio Romano

អត្ថបទ៖ សេរី មង្គល