- 2023-01-10 12:35:41
- ព័ត៌មាន
គ្រូ Man Utd ទម្លាយថា ខ្លួនក៏ចង់ទិញយក Mbappe និង Bellingham ដែរ
- 2023-01-10 12:35:41
- ចំនួនមតិ 0 | ចំនួនចែករំលែក 0
គ្រូ Man Utd ទម្លាយថា ខ្លួនក៏ចង់ទិញយក Mbappe និង Bellingham ដែរ
ចន្លោះមិនឃើញ
អ្នកចាត់ការក្លឹប Manchester United លោក Erik Ten Hag បាននិយាយលេងជាមួយអ្នកគាំទ្ររបស់ខ្លួនថា ខ្លួនក៏ចង់ទិញកីឡាករល្បីៗដូចជា ខ្សែប្រយុទ្ធបារាំងកីឡាករ Kylian Mbappe និងខ្សែបម្រើអង់គ្លេសដែលកំពុងឡើងជើងកីឡាករ Jude Bellingham ផងដែរ។
នៅក្នុងវីដេអូមួយ អ្នកគាំទ្រក្លឹប Manchester United បានសួរលោក Ten Hag ថា៖ «តើលោកគិតថា យើងអាចទិញយក Bellingham ឬ Mbappe ឬទេ?»។
ភ្លាមៗនោះលោក Ten Hag ក៏បានឆ្លើយទៅវិញថា៖ «ខ្ញុំក៏ចង់ដែរ តែអ្នកទាំងអស់គ្នាមានលុយទេ? យើងត្រូវការលុយមួយចំនួន [ក្នុងការទិញកីឡាករទាំងនេះ]»។
កីឡាករអង់គ្លេសវ័យ១៩ឆ្នាំ Jude Bellingham នៅពេលនេះដែរមានតម្លៃខ្លួនប្រមាណក្បែរ ១២០ដុល្លារអាមេរិក ចំណែកឯ Mbappe វិញមានតម្លៃក្បែរ ២០០លានដុល្លារឯណោះ។ នេះបើតាមស្ថិតិរបស់ទំព័រ Transfermarkt។ យ៉ាងណាមិញ បើក្លឹបណាមួយចង់ទិញកីឡាកររូបនេះ នោះគេនឹងត្រូវបង់ថ្លៃផ្ដាច់កុងត្រា ដែលអាចហក់ទៅដល់រាប់រយលានដុល្លារពីលើនេះទៅទៀត៕