- 2022-07-22 12:43:09
- បាល់ទាត់
Ten Hagថា កំពុងផ្ដោតលើការបង្វឹកកីឡាករមានស្រាប់ ខណៈមិនអាចចាំ Ronaldo ទៀតទេ
- 2022-07-22 12:43:09
- ចំនួនមតិ 0 | ចំនួនចែករំលែក 0
Ten Hagថា កំពុងផ្ដោតលើការបង្វឹកកីឡាករមានស្រាប់ ខណៈមិនអាចចាំ Ronaldo ទៀតទេ
ចន្លោះមិនឃើញ
លោក Erik Ten Hag អ្នកចាត់ការក្លឹប Manchester United បានឆ្លើយតបទៅកាន់អ្នកកាសែតនៅក្នុងថ្ងៃនេះ ដែលបានសួរនាំពីស្ថានភាពខ្សែប្រយុទ្ធ Cristiano Ronaldo និងក្លឹបលោកថា លោកកំពុងផ្ដោតលើការបង្វឹកកីឡាករដែលមានស្រាប់ ខណៈមិនអាច Ronaldo បានទៀតនោះទេ។
លោក Ten Hag បាននិយាយថា៖" និយាយទៅស្ថានភាពគេគឺដូចតែកាលពីអាទិត្យកន្លងទៅនេះអញ្ចឹង។ ច្បាស់ណាស់យើងព្រួយបារម្ភពីស្ថានភាពគេនិងការវិវត្តន៍ខ្លួនជាមួយនឹងក្រុមយើង ក៏ប៉ុន្តែពេលនេះការប្រើពាក្យនេះដូចជាលែងត្រូវទៀតហើយ "។
លោកបន្តថា៖" ក្នុងពេលនេះខ្ញុំផ្ដោតទៅតែកីឡាករដែលមានស្រាប់នៅក្រុមយើងនេះ។ ពួកគេធ្វើបានល្អមែនទែន ពួកគេកំពុងតែមានទម្រង់ល្អណាស់ អញ្ចឹងខ្ញុំជ្រើសរើសយកការផ្ដោតលើការបង្វឹក អភិវឌ្ឍបណ្ដុះបណ្ដាល ពួកគេទាំងនោះ ព្រោះខ្ញុំមិនអាចចាំ Ronaldo ត្រលប់មកវិញទៀតទេ មានតែពេលគេត្រលប់មកវិញ ចាំយើងបញ្ចូលគេឲ្យត្រូវជាមួយក្រុមយើងតាមក្រោយ "។
Ronaldo ត្រូវបានសារព័ត៌មានជាច្រើនចុះផ្សាយថា ចង់ចាកចេញពី Man Utd ដោយបានឲ្យភ្នាក់ងារដើររកក្លឹបដែលអាចផ្លាស់ទៅបាន ខណៈមូលហេតុផ្លូវការរបស់គេរឿងអត់មកហ្វឹកហាត់ និងចូលរួមប្រកួត Pre Season គឺដោយសារជាប់ធុរៈគ្រួសារ៕